Daniel 11:18 - Bible Ni Thothup

¹⁸ Ma bayi m’ag e mael ngak e pi nam ni bay u charen e day me kol bo’or riy. Machane bay ba tolang u reb e nam ni bayi gel ngak me taleg ndabkiyag ni ngi i ufanthin.

Daniel 11:18 Σταυροειδείς Αναφορές

Ester 10:1

I Xerxes ni Pilung e pag lungun nga daken gubin e girdi’ ni yad bay u tan gil’ilungun ko pi nam ni bay u charen e day nge tin bay nga arow nge yog e pin’en ni thingar rin’ed.

Isaiah 66:19

mar nanged ni Gag e en ni gu be gechig nagrad. “Machane bay gu pag bochi yad nib fos mug l’oegrad i yan ko pi nam nge yungin nib palog ni dawor rrung’aged bugwag ma dawor raguyed feni gel gelngig: yu Spain, Libya, ngu Lydia, ni bay e girdi’ riy nib salap ko mun gat’ing, ngu Tubal ngu Greece. Yad ra garareg feni sorog u lan e pi nam ney.

Jeremiah 2:10

Mmarod ko ngal ko fare donguch nu Cyprus ngam guyed; mpi’ed e girdi’ ngranod ko ngek nga Kedar ngar fal’eged i yaliy: gur bay ban’en ni ara’ rogon ni ka’a yib i m’ug kafaram?

Jeremiah 31:10

Be ga’ar SOMOL, “Mmotoyil gad e pi nam ngog mi gimed weliy e thin rog ko pi nam nib orel nib liyeg e day. I gag e gu wereg piyu Israel i yan, machane bay gu kunuyrad, mu gu matanagiyrad ni bod ba tagafaliy e saf ni be matanagiy e saf rok.

Ezekiel 27:6

Ra feked e gek’iy ni oak u Bashan ngar ngongliyed ni yap’; Miyad ngongliy e faraf rom ko gek’iy ni pine nu Cyprus Min nunuw nagem ko ivory.

Hosea 12:14

Girdi’ nu Israel e kar k’aringed e damumuw nib gel ngak SOMOL; tin kar ngongliyed e kabfel’ ni yad ra yim’. SOMOL rorad e bayi gechig nagrad ni fan e kar thiyar niged fithngan.

Zefaniah 2:11

Bayi k’aring SOMOL e marus ngorad. Bayi sobut’eg e pi got nu fayleng nge m’ayfarad, ma aram e gubin e nam ni bay ra meybilgad ngak, ko gin’en ni yad bay riy.

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Judges 1:7

Me ga’ar Adonibezek, “Medlipi ragag e pilung ni kan th’ab e yu bugul ni ga’ u pa’rad nge yu bugul ni ga’ u ayrad ni ur fanged chobngen e ggan u tan e tebel rog. Ere chiney e ke rin’ Got ngog e n’en ni gu rin’ ngorad.” Min fek Adonibezek nga Jerusalem ko gin ni yim’ riy.