Daniel 10:19 - Bible Ni Thothup

¹⁹ Me ga’ar ngog, “Gab t’uf rok Got, ere dabi magafan’um ara mu tamdag. Mu par ndab mu rus.” Ma fa’ani yog e re bugithin ney nge mu’, mu gu thamiy rog nike yib gelngig me lungug ngak, “Siro’, mu weliy ngog e tin ngamog ngog. Ya kam ayuwegneg ke yib gelngig.”

Daniel 10:19 Σταυροειδείς Αναφορές

Psalms 138:3

Kam fulweg lungug u nnap’an ni gu piningem; gelngim e mu gel nigeg ngay.

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Daniel 10:18

Me math ngog bayay, mu gu thamiy rog nike yib gelngig.

Daniel 9:23

Fa’an mu tabab ko wenig ngak Got, me fulweg Got taban e tin ga be wenig nag ngak. Kugub ni nggu weliy ngom e fulweg riy, ya gab t’uf rok Got. Mu uthum e lim nggu weliy fan ngom e tin mu guy ko fa ngiyal’ ni piliyeg e changar rom.

Haggai 2:4

Machane chiney e dariy bigmed ni nge mulan’. Mmarwelgad ya gu bay romed.

Zekariah 8:13

Gimed e girdi’ nu Judah ngu Israel! Kakrom e pi girdi’ nu bang e mang ba yaba’ ngorad ni bayi n’en me ga’ar bagyad ngak bagyad, ‘Mang e yigi aw fare riya’ ni aw nga daken yu Judah ngu Israel ngom!’ Machane bay gu aywegmed, ma aram e fa pi girdi’ nu bang e bay u roged ngorad ni ngar ga’ar gad, ‘Mang e yigi yag ngom e pi tow’ath ni yag ngak yu Judah ngu Israel!’ Ere nge pagan’med ma dab mrusgad.”

Zekariah 8:9

“Mu athamagil gad! Ya chiney e gimed be motoyil ko fapi thin ni i yog e pi profet ko fa ngiyal’ ni yibe filaeth e def ko Tempel rog ni ngan toy bayay.

John 11:3

Me pi’ fa gali ppin ni walagen e thin nge yan ngak Jesus ni lungurow, “Somol, fare fager rom nrib t’uf rom e ke yib e m’ar ngak.”

John 11:36

Ma aram me yog fa picha’ nu Israel ni lungurad, “A mu guyed nga feni t’uf Lazarus rok!”

John 11:5

Me Jesus e rib t’uf Martha rok, nge Maria ni walagen Martha, nge Lazarus.

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

John 19:26

Me guy Jesus e chitiningin nge fa en ni gachalpen nib t’uf rok ni yow ba sak’iy u rom; ma aram me ga’ar Jesus ngak e chitiningin, “Ppin, be’er fakam.”

John 21:20

Me changar Peter nga keru’, me guy fa binem i gachalpen Jesus ni bay u keru’, ni fa’anem nib t’uf rok Jesus — ni fa’anem ni fa’ani pag ir ngari chugur ngak Jesus ko ngiyal’ ni ba’aram ni fa’anra abichgad riy me fith ngak ni ga’ar, “Somol, i mini’ e en ni bayi yag nigem?”

1 Korinth 16:13

Mu ayuwgad, mpired ni gimed bmuduwgil u fithik’ e michan’ romed ngak Kristus, dab mu rusgad, mpired ni gimed ba gel.

2 Korinth 12:9

Ma fulweg rok ngog e ga’ar, “Ayuw rog ngom e kemus e ta’are n’en ni ir e thangri yag ngom; ya gelngig e rib gel ko ngiyal’ ni gab me’waer.” Ere kari gu felfelan’ ni nggu uf ko me’waer rog, ni fan e nggu thamiy rog nike yib gelngin Kristus ngog ni nge mang yoror rog.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

2 Timothy 2:1

Me gur, fakag, e ngam fek gelngim ko ayuw ni be pi’ Got ngodad u daken e ta’ab girdi’ ni kad ted Kristus.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Revelation 1:17

Nap’an ni gguy mu gu aw u to’oben ay nga but’ ni gowa be’ nike yim’. Me tay e ba’ ni mat’aw i pa’ nga dakenag me ga’ar, “Dab mu rus! Yi gag fa’anem ni tabolngin nge tungun.

Judges 6:23

Machane me ga’ar SOMOL ngak, “Nge par e gapas rom; dab mu rus, ya dab mum’.”