Daniel 10:17 - Bible Ni Thothup

¹⁷ Gu bod ba sib ni be sak’iy u p’eowchen e masta rok. Ere uw rogon ni nggu non ngom? Dakuriy gelngig ara pogofan nike magey u fithik’ag.”

Daniel 10:17 Σταυροειδείς Αναφορές

Genesis 32:20

Thangri lungumed ngak, ‘Tapigpig rom i Jakob e be yib ni be lekmad.’” I ga’ar Jakob u wan’, “Tow’ath rok ni kug pi’ ke m’on rog e ra fal’eg laniyan’, ma nap’an ni gamow ra mada’, ma dabisiy nra n’ag fan u wan’ e kireb ni gu rin’ ngak.”

Exodus 33:20

Dab gu pag ngam guy owcheg, ya en nra guy owcheg e ra yim’,

Daniel 10:8

Mi ni pageg u rom ni go’ gag ngu’ug guy e pin’em, ni bogi n’en ni yira ngat ngay. Mu gu par ndakuriy gelngig ma ke pig owcheg ngabang ni dabki poyeg be’.

Daniel 4:19

Ma aram e Daniel (ni ku yima pining Belteshazzar ngak) e par nike magafan’ ndakiyag ni nge yog ban’en. Me ga’ar e en ni pilung ngak, “Belteshazzar, re lik’ay ney nge fan e dabi magafan’um ngay.” Me ga’ar Belteshazzar, “Pilung rog, re lik’ay nir nge fan e manga yigi par ni pi to’ogor rom e fan ngorad.

Mark 12:36

I David e yib i ying e Kan Nthothup ngak me ga’ar: ‘I Somol e ga’ar ngak e Somol rog: Mpar aray nga ba’ ni mat’aw rog, nge yan i mada’ ko ngiyal’ ni bay gu tay e pi to’ogor rom nga tan e rifrif u em.’

John 1:18

Dariy be’ ni ka’a guy owchen Got. Machane kemus ni fa’anem ni ir e bod rogon Got me ir e bay u to’oben e en ni Chitamangiy, e ir e ke weliy murung’agen Got kan nang.

Judges 6:22

Me nang Gideon ni engel rok SOMOL e ke guy, me yog u fithik’ e marus ni ga’ar, “SOMOL ni Th’abi Tolang! Kug guy fare engel rom nga owcheg!”