Amos 9:7 - Bible Ni Thothup

⁷ I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray.

Amos 9:7 Σταυροειδείς Αναφορές

2 Kings 16:9

Ma fulweg rok Tiglath Pileser ko wenig rok Ahaz, e yan nge pi salthaw rok ngar maelgad ngak yu Damaskus ngar koled, miyad thang e fan rok Rezin ni Pilung, mar feked fapi girdi’ nga Kir ni yad bogi kalbus.

2 Kronicles 14:12

Me gel SOMOL ngak fare raba’ i salthaw nu Ethiopia nap’an ni yan Asa nge fare raba’ i salthaw nu Judah ngar chamgad ngorad. Miyad mil,

2 Kronicles 14:9

Zerah nu Ethiopia e gafaliy barba’ i salthaw ni reb e million girdi’en nge dalip mir’aye bbiyu’ e chariot riy ngranod ko fachi binaw nu Mareshah u lan yu Judah.

Exodus 12:51

Ma karofen nem me fek SOMOL fapi ganong nu Israel nga wuru’ yu Egypt.

Isaiah 20:4

Emperor nu Assyria e bayi gafaliy fapi kalbus i yan ni dariy e mad u dakenrad, ni kolrad ko fa gal binaw. Fel’ yangren nge pi’lal e bay u ranod ni dariy e sus rorad nge mad, ni be m’ug chuguyenrad, nra kar tamra’ ngak yu Egypt.

Isaiah 22:6

Pi salthaw ko nam nu Elam e karbad u daken e os, ni bay talin e cham rorad ni gat’ing nge gan e gat’ing. Ma salthaw nu Kir e kar falflaged rogon e yungi shield rorad.

Isaiah 43:3

Ya Gag e SOMOL ni Got rom, ni fare Got nib thothup nu Israel ni ir e ma chuwegem u pa’ e to’ogor rom. Bay gu tay yu Egypt nga luwam ni fan e ngan pagem; bay gu tay yu Ethiopia nge yu Seba nga luwam.

Jeremiah 13:23

Rayag rok be’ nib lumor downgin ni nge thilyeg ra’en dow, fa ba gamanman ni leopard ni nge luf e yung i n’en nib wupwupnun’ u downgin? Ma fa’anra yag, me’ere gur e sana ku rayag ni ngam thil ngam nang rogon i rin’ e tin ni bfel’.

Jeremiah 47:4

Ke taw ko ngiyal’ ni nge mogothgoth yu Filistia, min thirifrad ngar chuwgad u Tyre ngu Sidon ni dariy bagyad nra magay ni ngki pi’ e ayuw. I Gag SOMOL, e bay gu thang owchen piyu Filistia ni aram gubin e pi’in rabad u dap’el’ay u Krete.

Hosea 12:13

Me l’oeg SOMOL ba profet ni nge leag e girdi’ nu Israel ko sib ni yad be tay u Egypt me ayuwegrad.

Amos 1:5

Bay gu bilig e garog nu Damaskus mu gu chuweg e pi’in yad ma par u lan e Loway ni Aven nge en nma gagiyeg u Betheden. Ma girdi’ nu Syria e bay ni fekrad ni kar manged kalbus ko nam nu Kir.”

Amos 2:10

I gag e gu fakmed e girdi’ rog nga wuru’ yu Egypt, mu gu pow’iymed u daken e ted i yan ni aningeg i ragag e duw, mu gu pi’ ngomed e binaw rok e piyu Amor ni ngam tafned.

Deuteronomy 2:23

Ma binaw u p’el’ay ko Mediterranean e ke par e girdi’ ko fare donguch nu Krete ngay. Kar li’ed e pi Avvim ni aram e pi’in nri taferad e re gin’em. Ma kar tafned taferad ni ga’ngin, ni yan ko yimuch nge mada’ ko fare binaw nu Gaza.)