Amos 7:7 - Bible Ni Thothup

⁷ I SOMOL e ki piliyeg e changar rog. Mu gguy SOMOL nib sak’iy nga to’oben bangi rungrung nni ubung nib yil’ i gaf ni ba’ ban’en u taban nib tomal e ni gad ngay nge yag ni un ubung i yan ngalang nib k’iy, ma bay reb e pi fol nem u pa’.

Amos 7:7 Σταυροειδείς Αναφορές

Genesis 28:13

Me guy SOMOL nib sak’iy u to’oben. Me ga’ar ngak Jakob, “I Gag SOMOL, ni Got rok Abraham nge Isak. Bay gu pi’ ngom nge pi’in owchem e re nam ney ni kam pagem riy nga but’.

2 Samuel 8:2

Ma aram miki gel ngak piyu Moab. Me yog ni pi kalbus e ngar thiggad nga but’ min the’egrad ni yu dadalip min li’ l’agruw. Ma aram me par piyu Moab nga tan pa’ ngu’ur pi’ed e tax ngak.

2 Kings 21:13

Bay gu gechignag yu Jerusalem ni bod ni kug rin’ nga Samaria, ni ku bod ni kug rin’ ngak Ahab ni Pilung nu Israel nge pi’in owchen. Bay gu tharbeg girdi’en nge paryu Jerusalem nri dakuriy be’ riy, nikari be’ech ni bod ba raba’ i pilet ni kan’ag e garda’ riy ke be’ech kani pulpaliy.

Isaiah 28:17

Yal’uw e bayi mang fol ko re def nem, ma yul’yul’ e ra par ni fare fol ni ba yil’ i gaf ni ka ni m’ag e malang nga taban kan tay nib tagafgaf.” Ma ayis ni gang’ yang ni bayi mul u lanelang nga but’ e bayi walagriy urngin e malulifith l’ugun ni gimed be toer ngay, ma ran ni bayi sugubur e lul’ nge yib e bayi kirebnag e n’en ni gimed be naf ngay.

Isaiah 34:11

Ma arche’ ni owl nge gapluw e bay ra tafned fare binaw. I SOMOL e bayi gagyeynag bayay nge par ndariy ban’en ni bfel’ riy, ni bod rogon ko som’on ni sunmiy urngin ban’en.

Lamentations 2:8

I SOMOL e turguy ni fare yoror nu Zion e thangri aw nga but’; I pag e fol nga daken ni nga ri mich ni nge mogothgoth nib polo’. Pi wulyang nge rungrung riy e chiney e go’ bay u but’ nike mogothgoth.

Ezekiel 40:3

Me fekeg i yan nggu chuchugur ngay, mug gguy be’ ni pumo’on ni be mat ra’en ni bod e wasey ni bronze. Nike kol ba fol nni fal’eg ko mad ni wech nge ba ley i ren ni yima foleg ban’en ngay, nib sak’iy u charen langan e garog.

Amos 7:6

Me thiliyeg SOMOL laniyan’ bayay me ga’ar, “Ku er rogon e biney ni dabki yodorom.”

Amos 7:8

Me fith ngog ni ga’ar, “Amos, mang e ga be guy?” Me lungug, “Ba fol nib yil’ i gaf ni ba’ ban’en u taban nib tomal.” Me ga’ar, “Mu sap, gu be maruwel ngay ni nge dag rogon gelngin e kireb nike tay e girdi’ rog, ya yad bod bangi rungrung nde k’iy. Dab kug thiliyeg lanin’ug bayay ni nge dab kug gechig nagrad.

Zekariah 4:10

(a) Bayi kireban’rad ya rib sag’al e maruwel ni be yan. Machane bay ra guyed Zerubbabel ni ka be toy fare Tempel ni dertal, me felan’rad.” (b) Fare engel e ga’ar ngog, “Fa medlip i magal e aram fa medlip i lan owchen SOMOL ni be changar u daken e fayleng.”

Revelation 11:1

Ma aram mi ni pi’ ba ley i fol ngog ni bod ba ley i ban’en, me lunguy ngog, “Mu sak’iy ngam foleg e Tempel rok Got nge fare altar, ma ga the’eg e pi’in yad be meybil u lan e Tempel.

Revelation 21:15

Ma fare engel ni fa’ani non ngog e bay ba ley i fol ni gol u pa’ ni nge foleg fare binaw ngay, nge pi garog riy, nge yoror riy.