Amos 7:2 - Bible Ni Thothup

² Mu gguy e pi asmen’ing nem nra longuyed urngin ban’en nib galunglung ni bay u daken e nam nge m’ay, me lungug, “SOMOL ni Th’abi Tolang, mu n’ag fan rok e girdi’ rom! Uw rogon ni ngar pired ni dab ram’ad? Ya ri yad ba’achig ma yad ba me’waer.”

Amos 7:2 Σταυροειδείς Αναφορές

Psalms 12:1

SOMOL, mu ayuwegmad! Dariy be’ ni bfel’ nike magay; girdi’ nib yul’yul’ e dab kun piri’egrad’.

Exodus 10:15

Ra upunguyed daken e but’ nge talumor ni bochrad; miyad longuy urngin e tin ni magay ni de kirebnag e ayis, ni mus nga urngin e wom’ngin ni bay u ran’ e gek’iy. Dariy ban’en ni magay ni kab galunglung u ran’ ba kan e gek’iy ara woldug u daken yu Egypt ni ga’ngin.

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Isaiah 37:4

Fare emperor nu Assyria e ke l’oeg pilungen e salthaw rok ni nge dariyfannag Got ni be par nib fos. I SOMOL ni Got rom e mang e yigi rung’ag e pi thin nem me gechignag e pi’in i yog. Ere mu meybil ngak Got ni fan ngak e girdi’ rodad nra magach nib fos.”

Isaiah 51:19

Ba l’agruw e riya’ nike aw nga dakenam: ke mogothgoth e binaw rom ko mael, ke yim’ e girdi’ rom ko blig. Ma dariy be’ ni be dag nike magfan’ ngom.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 42:2

miyad ga’ar ngog, “Wenig ngom ngam rin’ e n’en ngogned ngom! Meybil ngak SOMOL ni Got rodad ni fan ngomad. Meybil ni fen gubin e pi aromad nde yim’. Immoy bingyal’ nri gamad ba yo’or; ma chiney e ga be guy nri’in i gamad e ke magach.

Ezekiel 11:13

Kangiyal’ i n’em ni gu be yi’iy, me thig Pelatiah nga but’ nike yim’. Mug paraw nga but’ nggu an owcheg nga daken e but’ nggu tolul ni lingug, “ SOMOL ni Th’abi Tolang, danga’! Mog ngam li’ urngin e girdi’ nike magach u Israel?”

Ezekiel 9:8

Yigo’ gag ni gu bay u rom ko ngiyal’ ni yibe thang e pogofan ko girdi’. Mug pageg nga but’ ni kug an owcheg nga daken e but’ ma gu tolul ni lungug, “ SOMOL ni Th’abi tolang, kari er feni gel e damumuw rom ngak yu Jerusalem ni ngam thang e pogofan rok gubin e girdi’ ni kar magachgad u lan yu Israel?”

Daniel 9:19

Somol, mu rung’ag e meybil romad. Somol, mu n’ag fan u wun’um e kireb romad. Somol, mu telim ngomad ma ga ngongol nge nang urngin e girdi’ ni gur e Got, dab mu sowath. Re binaw ney nge girdi’ riy e mmil suwon ngom.”

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Amos 4:9

“Gu l’oeg ba nifeng nib gawel nge mlik nag e woldug romed. Me longuy e pi asmen’ing e yungi woldug romed nge yungi milay’ ko grape, nge yungi gek’iy ni fig nge olive ni fi’imed. Machane ku dam sulod ngog.

Amos 7:5

Me lungug, “SOMOL ni Th’abi Tolang, wenig ngom, mu taleg! Uw rogon me par e girdi’ rom ndab ram’ad? Ya ri yad ba’achig ma yad ba me’waer’!”

Zekariah 4:10

(a) Bayi kireban’rad ya rib sag’al e maruwel ni be yan. Machane bay ra guyed Zerubbabel ni ka be toy fare Tempel ni dertal, me felan’rad.” (b) Fare engel e ga’ar ngog, “Fa medlip i magal e aram fa medlip i lan owchen SOMOL ni be changar u daken e fayleng.”

Revelation 9:4

Ma kanog ngorad ndab ra li’ed e pan, ara gek’iy, ara yugu bmit e woldug; kemus ni girdi’ e ngar gafgow niged ni pi’in ndariy fare pow ku Got u daken peri’rad.