Amos 5:2 - Bible Ni Thothup

² Israel nib fal e ke me’waer ke thig, Ma dabkiyag ni nge sak’iy bayay! Ke thig kan n’ag u daken e but, Dariy be ni ayweg nge suwonnag.

Amos 5:2 Σταυροειδείς Αναφορές

2 Kings 15:29

Ma ngiyal’ nib pilung Pekah me kol Tiglath Pileser ni ir e pilung nu Assyria fapi binaw nu Ijon, Abel Beth Maakah, Janoah, Kedesh, ngu Hazor, nge nug nu Gilead, Galilee, ngu Naftali, me fek e girdi’ nga Assyria ni kalbus.

2 Kings 17:16

Ra th’abed urngin e motochiyel rok SOMOL ni Got rorad ngar ngongliyed l’agruw i wasay ni ya’an fak e garbaw ni pumo’on ni ngu’ur tedfan; mu kur ngongliyed ya’an fare got ni bpin ni Asherah, mu’ur tedfan e pi t’uf, mu’ur pigpiggad ngak fare got ni Baal.

Isaiah 14:21

Nge tabab e mathang pogogfan! Pi’in pagel ni fak e re pilung ney e ngarm’ad ni bochan e pi denen ko pi chitamangirad kakrom. Dakriy bagyad nra gagiyegnag e fayleng bangiyal’ ara rsugyed daken ko pi binaw ni yad e ra ngongliyed.

Isaiah 24:20

Fayleng e ra thigthig ni bod be’ nib ching, ni be un ko nifeng ni bod bochi ta’ang u tan e yoko’. Fayleng e ke tomalnag e pi denen; bayi aw nga but’ ni dakriy e ngiyal’ nra suwon.

Isaiah 3:8

Arogon, Jerusalem e ke riya’! Ma Judah e ke puth! Urngin e tin yad be yog ma yad be rin’ e ba togopluw ngak SOMOL; bgagyal ni yad be gernag Got!

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

Isaiah 43:17

I waliy baraba’ i salthaw ni pire’ ngarm’ad, ni baraba’ i salthaw ni pire’ ni yad ma yan u chariot nge os. Miyad thig nga but’ ma dakiyag rsuwongad, ni bod ba daramram u ba kindel ni math!

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 18:13

Me ga’ar SOMOL, “Mu fithed urngin e nam ko bay reb e nam ni ka’a yigi yodoro’ fa dariy. Piyu Israel e rib kireb e n’en ni kar ngongliyed!

Jeremiah 2:27

Bay mu tamra’gad ni gimed gubin e pi’in bayi n’en me lungumed ngak ba ke gek’iy, ‘I gur e chitamag,’ ara lungumed ngak ba war, ‘I gur e chitinag.’ Bayi yodoroy ni bochan e ka mu pi’ed keru’med ngog, ma da mpig i chealgad ngam sapgad ngog. Machane fa’an bay mu gafgowgad, mi gimed wenig ngog ni nggu ayuwegmed.

Jeremiah 31:4

Bay gu fal’eg rogomed bayay. Ma aram e bay ku mu sulod bayay ngam feked e pi talin e musik romed ni tambourine ngu’um churu’gad ni ka mu felfelan’gad.

Jeremiah 4:20

Ke malay reb e riya’ nga daken reb; ke mogothgoth fare nam ni polo’. Yugun dada’ ma kan buthug e pi tent romad; kateng riy e kan gochothuy ke yochyang.

Jeremiah 50:32

Fare binaw romed nib ufanthin e bayi tun’ ay nge dol’, ma dariy be’ nra sak’iynag. Bay gup’ e nifiy ko pi binaw romed, ma gubin e tin bay u charen i yan e go’ ra mogothgoth.”

Jeremiah 51:64

ma gog ni ngam ga’ar, ‘Irera’ e n’en ni bayi buch rok yu Babylon — bayi ligil ni dakriy e ngiyal’ nra for ngalang ni bochan fare riya’ ni nge pag SOMOL nga daken.’” Aray e gin ni mus e thin rok Jeremiah riy.

Jeremiah 8:4

I SOMOL e yog ngog ni ngug ga’ar ko girdi’ rok, “Fa’anra dol’ be’ nga but’, ma gathi ngki sak’iy ngalang? Ma fa’anra thilyeg be’ taban’ e kanawo’, ma gathi ngki sul nga tomur?

Jeremiah 9:21

Yam’ e ke yib u langan e pi winda rodad nga naun, ke yib nga naun ko pi pilung rodad; ke thang owchen e bitir ni be fafel u kanawo’ nge pi’in ni pagel ni yad bay ko yungi tagil’ e market.

Jeremiah 9:9

Gur dab gu gechig nagrad ni fan e pin’ey? Gur dab gu falbayen ba nam ni aray rogon? I Gag SOMOL e gu be non.”

Lamentations 2:13

Ah Jerusalem, gur nri gab t’uf, mang e ku rayag ni nggog? Urogon ni nggu faleg’ lanin’um? Dariy be’ ni ka’ayib ba gafgow ngak ni bod e biney. Ya gafgow rom e ba to’ar ni bod lan e regur; ke math e liyab ngom.

Hosea 14:1

Gimed e girdi’ nu Israel, mu sulod ngak SOMOL ni Got romed. Denen romed e be dol’ nagmed.

Hosea 6:2

Gonap’an e l’agruw e rran me fasegdad; ma rofen ni dalip fen riy me fulwegdad nga rogodad, ma aram e bay ud pired ni bay rodad.

Amos 8:14

Ma pi’in nra mow gad nga fithingan fapi liyos nu Samaria, nma lungurad, ‘U fithingan fare got nu Dan’ ara ‘Fithingan fare got nu Beersheba’ — e pi girdi’ nem e yad ra aw nga but’ ma dab kur suwongad bayay.”

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.