Acts 9:2 - Bible Ni Thothup

² me wenig ngak ni nge pi’ e babyor ngak ni nge weliy e re gi babyor nem murung’agen Saul ngak e girdi’ u lan e pi tafen e mu’ulung rok piyu Israel ni bay u lan yu Damaskus, ni fan e nge pir’eg u rom e pi’in yad be fol ko fare Kanawo’ rok Somol, ma nge yib mat’wun ni nge kolrad nge fekrad, ni pumo’on nge ppin, nge fulwegrad nga Jerusalem.

Acts 9:2 Σταυροειδείς Αναφορές

Genesis 14:15

Me ruw raba’nag e girdi’ rok u rom ngar pired ni kar ruw ulunggad, miyad cham ngak fapi pilung nge salthaw rorad ni nep’ ngar gelgad ngorad. Miyad lol’oegrad ngar mada’gad nga Hobah, ni bay nga lel’och u Damaskus,

Isaiah 17:1

I ga’ar SOMOL, “Damascus e dabki mang reb e binaw, bayi par ni ba ulung i dow.

Jeremiah 49:23

Irera’ e n’en ni yog SOMOL u murung’agen yu Damascus: “Girdi’ u lan e pi binaw nu Hamath ngu Arpad e kar rus gad ma ke wagagay lanin’rad ko tin kar rung’aged. Gafgowan’ e be lobeb u dakanrad ni bod e n’ew, ni dakir paslag lanin’rad.

Matthew 10:17

Mi gimed ayuw, ya bay e girdi’ ni bay ra koled gimed ngar feked gimed nga tafen e pufthin, ma bay ra toyed gimed u lan e pi tafen e mu’ulung rorad.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

Acts 18:25

Ka ni sukulnag ko birok’ Somol e Kanawo’, me weliy u fithik’ e pasigan’ e tin riyul’ ni murung’agen Jesus. Machane kemus ni manang nge mada’ ko tawfe ni i tay John.

Acts 19:23

Ireram e re ngiyal’ i n’en nib gel e wagey ntay u lan yu Efesus ni bochan e birok’ Somol e Kanawo’.

Acts 19:9

Machane boch i yad e ba gelan’, ma aram e de mich u wun’rad, miyad yog e thin nib kireb ni murung’agen rogon e Kanawo’ rok Somol nrogned u p’eowchen fare ulung ni polo’. Ma aram me pagrad Paul me fek fa pi’in gachalpen Jesus ngar uned ngak; ma gubin e rran ni ur weliyed e girdi’ murung’agen e pin’ey u lan tafen e mu’ulung rok Tyrannus.

Acts 24:14

Ba’aray e tin ni ir: Gu ma meybil ngak fare Got rok e chitamangimad ni kakrom ni gu be fol ko fare Kanawo’ ni be lungurad e de riyul’. Machane ku errogon gag nib mich u wun’ug urngin ban’en ni kan yoloy ngalan e pi Motochiyel rok Moses nge pi babyor rok e pi profet.

Acts 24:22

Me Felix ni be’ nri manang murung’agen e re Kanawo’ nem, e yog ni ngan taleg e welthin. Me ga’ar ngorad, “Bayi taw Lysias ni pilungen e salthaw mu gu turguy e n’en ni ngan rin’ ko re pa’ i n’ey.”

Acts 26:10

Ba’aray e n’en ni gu rin’ u lan yu Jerusalem. I pi’ e pi tolang ko pi prist mat’wug nggon’ bo’or e tirok’ Got e girdi’ nga kalbus; ma nap’an nturguy ni ngan thang e fan rorad, ma kug un i towaliy ni ngan rin’.

Acts 26:12

“Ireray tapgin ni gu wan nga Damaskus, nike pi’ e pi tolang ko prist mat’wug ma karogned e tin ni nggu rin’.

Acts 6:9

Me togopluw boch e pumo’on ngak ni yad girdi’en fare tafen e mu’ulung rok e pi Pumo’on ni Kar Chuwgad ko Sib (ni aram fithingrad), ni piyu Israel nrabad u Cyrene ngu Alexandria e yad bay riy. Yad nge ku boch piyu Israel nrabad u Cilicia ngu Asia e ra tababgad Stefen ko malu’ag thin.

Acts 7:19

Mi i bannag e girdi’ rodad ma rib kireb e n’en ni i rin’ ngak e pi chitamangidad, mi i gelnag e thin ngorad ni ngar ted pifakrad ni kabran nga waen, ni fan e ngarm’ad.

Acts 9:14

Ma ke yib nga Damaskus nike pi’ e pi tolang ko prist mat’wun ni nge kol urngin e pi’in yad ma meybil ngom ma yad be tayfan fithingam nge fekrad.”

Acts 9:21

Ma urngin e girdi’ ni rung’ag e n’en ni yog e ra gin gad, miyad fith ni lungurad, “Gathi ireray fare mo’on ni i thang e fan rok e pi’in yad be meybil ma yad be tayfan e re ngachal ney u lan yu Jerusalem? Ma gathi ke yib ngaray ni fan e nge kol e mit i girdi’ nem nge fulwegrad ngak e pi tolang ko prist?”

2 Korinth 11:32

Nap’an ni gu bay u Damaskus, me tay governor ni bay u tan pa’ Aretas ni pilung boch e girdi’ ni matnag nga langan e garog ko binaw ni ngar koled gag.

Galatia 1:17

ara gu wan nga Jerusalem ngug guy e pi’in yad e ar manged apostel. Machane n’en ni gu rin’ e ka chingiyal’ nem mu gu wan nga Arabia, mu gu sul u Arabia nga Damaskus.