Acts 7:52 - Bible Ni Thothup

⁵² Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Acts 7:52 Σταυροειδείς Αναφορές

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 19:14

Me fulweg ni ga’ar, “SOMOL ni Got, ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan ko urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

2 Kronicles 36:15

I SOMOL ni Got rok e pi chitamngirad e de tal ni i l’oeg e pi profet ngu’ur ginanged girdi’en, ni bochan e ba’adag ni nge dabi thangrad nge fare Tempel ni dabi kirebnag.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Jeremiah 20:2

me yog ni ngan toyeg mi ni m’ageg ko chen u charen e bin talang e Garog ni Benjamin fithingan.

Jeremiah 26:15

Machane ba’aray ban’en ni ngar mu nanged: fa’an gimed ra li’eg nggum’, me ere gimed nge girdi’ ko re binaw ney e ra yan i aw nib kireb e romed ni bochan e ka mu thanged e fan rok be’ ndawori bucheg ban’en, ya SOMOL e ke l’ugeg ni nggu weliy urngin e pin’ey ngomed.”

Jeremiah 26:23

Miyad fek Uriah u Egypt ngar fulweged ngak Jehoyakim, me yog Jehoyakim ni ngan thang e fan rok mi ni yan nn’ag ko gin ni baaram ni yima k’eyag e girdi’ riy.)

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Matthew 5:12

Ngari felan’med, ya bay labgen ni ba ga’ ni fan ngomed ni kan tay u tharmiy. Ya ireray rogon e gafgow ni i tay e girdi’ ngak e pi profet ni yad ba kakrom ngomed.”

Luke 6:23

Ra ni yodoro’ nagmed, ma ngari mu felfelan’gad, ngam oggad ngalang ko felfelan’, ya bay labgen ni ba ga’ ni fanmed ni kan tay u tharmiy. Ya pi chitamangirad e ku er e n’en ni ur rin’ed ngak e pi profet.

John 16:10

ngu murung’agen e tin nib mat’aw, ni bochan e bay gu wan ngak e en ni Chitamangiy ma aram e dab kum guyed gag;

Acts 2:23

I Got e manang me ir e turguy ni ngan pi’ Jesus nga pa’med; ma kam thanged e fan rok, ya mu ted gimed ngak e girdi’ ntadenen ngar richibiyed ko kuruth.

Acts 22:14

Me ga’ar, ‘Fare Got rok pi chitamangidad e ke turguyem ni gur e ngam nang e tin be finey, ma gguy e Tapigpig rok nib mat’aw, ma ga rung’ag lungun ni be non.

Acts 3:18

Kab kakrom me weliy Got u l’ugun urngin e pi profet ni Messiah rok e dabisiy ni nge gafgow; me muruwliy nge yib i m’ug nib riyul’ ni aray rogon.

Acts 3:24

Ma pi profet nib mu’un Samuel ngay nge tin nrabad nga tomuren, ni urngin e pi’in nra weliyed e thin rok Got ngak e girdi’, e ku ra weliyed murung’agen e tin daba’ e rran.

Acts 4:10

me ere susun e gimed gubin ni go’ ngam nanged, nge urngin e girdi’ nu Israel nsusun e ngar nanged, nre mo’on ni ba’aray nib sak’iy u roy u p’eowchemed e kari gol ni gelngin fithingan Jesus Kristus nu Nazareth e ir e ke golnag — ni ir fa’anem ni mu kuruth niged nge mu’ me faseg Got ko yam’.

1 Thessalonika 2:15

ni ireram e picha’ nra li’ed Somol Jesus nge pi profet, miyad gafgow nagmad. Dar fel’gad u wan’ Got! Ma yad be togopluw ngak urngin e girdi’!

2 Timothy 3:4

ma dabiyag ni nge pagan’uy ngorad, ma dariyfan e girdi’ u wun’rad, ma yad ba uf; ma bayi t’uf e fafel rorad me tomur Got u wun’rad;

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

1 John 2:1

Kug yoloy e ren’ey ngomed, pifakag, ni fan e nge dab mu denengad; ma fa’anra chey ni denen be’, ma bay Jesus Kristus, ni be’ nib mat’aw, nma wenig nagdad ngak e en ni Chitamangiy.

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.