Acts 5:4 - Bible Ni Thothup

⁴ Dawor mpi’ e binaw rom ni chuway’ me gur e mmil fan ngom, ma fa’ani mpi’ ni chuway’ nge yib e salpiy riy ma ka gur e fanam. Ere mangfan ni mturguy u lanin’um ni ngam ngongliy e binir e ngongol? Gathi girdi’ e kam lifith l’ugunam ngak, ya kam lifith l’ugunam ngak Got!”

Acts 5:4 Σταυροειδείς Αναφορές

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

1 Kronicles 29:3

Ma ku gon’ nga daken e tiney ni gubin e tirog e silber nge gol ni bochan e rib t’uf rog e Tempel rok Got.

1 Kronicles 29:5

ma ku fan nga urngin e pin’en ni nge ngongliy fapi pumo’on ni yad ba salap ko maruwel. Ere ku mini’ e bm’agan’ ngay ni nge pi’ reb e maligach ngak SOMOL?”

1 Kronicles 29:9

I pi’ e girdi’ e pin’ey ngak SOMOL nrib m’agan’rad ngay, ma ri yad ba felfelan’ ngay ni bo’or ban’en ni kan pi’. Me David ni Pilung e riki felfelan’ nib gel.

BABYOR NI JOB 15:35

Irera’ e girdi’ nma leamnag e kireb ma yad ma rin’ e kireb. ma ba sug gum’ircha’rad ko sasaliyab ni gubin ngiyal’.

Psalms 139:4

Ni mus nra dawor gog ban’en ma ga manang e tin bay gog.

Psalms 7:14

Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

Exodus 16:8

Me ga’ar Moses, “I SOMOL e bayi pi’ e ufin ngam ked ko blayal’, me pi’ e ggan ni urngin ni gimed ba’adag ko kadbul, ya ke rung’ag gelngin e thin ni kamogned nib togopluw ngak. Gun’gun’ ni gimed be tay ngomow, e bin rriyul’ riy e SOMOL e gimed be gun’gun’ nib togopluw ngak.”

Exodus 35:29

Gubin e girdi’ nu Israel ni ppin nge pumo’on nib magan’rad ngay e yi go’ ra feked ban’en i yib ni fan ko fare maruwel nike yog SOMOL ngak Moses ni ngan rin’.

Eklesiastes 5:5

Kabfel’ e bin ni dab mmicheg ban’en ko bin ni ngam micheg ban’en ma damrin’.

Isaiah 59:4

Ma lan tagil’ e puf oloboch ni ga ra yan ngay, ma tin mat’aw e dariy u barba’ i to’bem. Ya sasalap l’ugun e ir e kam ta’ ngay ni ngam gel riy u kort. Ka mu rin’ e tin nim gonpiy ni ngam gafgownag boch e girdi’ riy.

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Numbers 16:11

Ere nap’an ni gimed ra gun’gun’nag Aron, ma rriyul’ ni SOMOL e gimed be togopluw ngak, gur nge pi’in yad be un ngom ko togopluw.”

Luke 10:16

Me ga’ar ngak pi gachalpen, “En nra motoyil ngomed, e ke motoyil ngog; ma en nra dabuymed e ke dabuyeg; ma en nra dabuyeg e ke dabuy e cha’ ni ir e ke l’oegeg ku gub.”

Acts 5:3

Me ga’ar Peter ngak, “Ananias, mang ni kam pagem ngak Satan kemang ir e ke gagiyegnag lanin’um ke muruwliyem kam lifith l’ugunam ngak fare Kan ni Thothup ni bochan e kam cha’riy bang fare salpiy ni yag ngom ni puluwon fare gi binaw?

Acts 5:9

Me ga’ar Peter ngak, “Mangfan ni mdugliyew figirngim ni ngam sikeng nigew fare Kan Nthothup rok Somol? Fapi pumo’on ni kar k’eyged figirngim e kar tawgad nga langan e mab e chiney, ma ku bay ra feked gur nga waen!”

1 Korinth 8:8

Machane gathi ggan e ra chugur nagdad ngak Got; ere dariy ban’en nra mul rodad ni fa’anra dab da ked e re ggan nem, fa reb e mun ban’en ngodad ni fa’anra da ked e re ggan nem.

1 Thessalonika 4:8

Ere cha’ nra n’ag e re machib ney e gathi ke n’ag e girdi’, ya ke n’ag Got ni ir e ma pi’ e Kan Nthothup rok ngomed.

Filemon 1:14

Machane dabug ni ngug gel nigeg ngom ni ngam ayuwegneg; ya gu ba’adag ni ngam rin’ ni gur e leam rom. Ere dab gu rin’ ban’en ndawori fel’ ko leam rom.

James 1:15

ma aram me diyen e tin nib kireb ni be ar’arnag nge gargeleg e denen; ma fa’ani ilal e denen nge mus ngarogon me gargeleg e yam’.

1 Samuel 8:7

me ga’ar SOMOL ngak, “Mmotoyil ko tin be yog e girdi’ ngom. Ya gathi gur e kar pi’ed keru’rad ngom; ya Gag e kar pi’ed keru’rad ngog ni nggu par ni pilung rorad.