2 Timothy 3:3 - Bible Ni Thothup

³ ma bay dab kur golgad, ma bay dab kur runguyed e girdi’, ma bay ur t’ared e thin nga daken e girdi’, ma dariyfan ban’en u wun’rad, ma yad ba damumuw; ma bay ra dabuyed e tin ni bfel’;

2 Timothy 3:3 Σταυροειδείς Αναφορές

Genesis 49:7

Nge buch wa’athan e damumuw rorow, ya kayigi gel, ma ngki buch wa’athan e puwan’ rorow, ya kayigi gel e gafgow ni yow be pi’. Bay gu weregrow u daken e nam rok Jakob; ma pi’in ni owcherow e bay gu wereg u fithik’ e girdi’ nu Israel.

Psalms 15:4

Ma dubrad daken e pi’in ke n’agrad Got, machane yad ma tayfan e pi’in yad ma fol rok SOMOL. Ma gubin ngiyal’ ni yad ma rin’ e n’en kar micheged ni ngar rin’ed, ndemturug ko mang e ra yib riy ngorad.

Psalms 22:6

Machane gathi ka gag ba girdi’, ya kug par ni gu ba ololay, ndakuriy fag u wan’ urngin e girdi’ ma yad be moning nigeg!

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Isaiah 60:14

Pifak e pi’in ur gafgow niged gur e bay rabad Ra siro’gad ngom ngar ted fam. Urngin e pi’in ni ur darifan niged gur e bay ra parawgad u to’oben rifrifen em. Bay rogned fithingam ni fare ‘Binaw rok SOMOL,’ ‘Zion, ni fare Binaw rok fare Got nib Thothup nu Israel.’

Daniel 8:23

“Nap’an nra chugur nga tungun e gagiyeg ni yad be tay, ma ke yan i par e ngongol rorad ni kari kireb ndabisiy ni ngan gechig nagrad, ma bay yib reb e pilung nga tomurrad nib gelan’, ma rib kireb, ma ba sabanban.

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.

Matthew 4:1

Me pow’iy fare Kan ni Thothup Jesus nga daken e ted ni fan e nge yib e mo’onyan’ i guy rogon e n’en nra rin’ me denen Jesus.

Luke 10:16

Me ga’ar ngak pi gachalpen, “En nra motoyil ngomed, e ke motoyil ngog; ma en nra dabuymed e ke dabuyeg; ma en nra dabuyeg e ke dabuy e cha’ ni ir e ke l’oegeg ku gub.”

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

John 6:70

Me fulweg Jesus ngorad ni ga’ar, “Gathi gag faram e gu mel’egmed e re ragag nge l’agruw nir? Machane bay bigimed nib mo’onyan’!”

Roma 1:29

Ke suguyrad urngin mit e tin nde mat’aw, nge tin nib kireb, nge chogow, nge kireb laniyan’; ma yad ba sug ko awan’, ma yad ma thang e pogofan, ma yad ma cham, ma yad ma sasalyeb, ma yad ba’adag ni ngar gafgow niged e girdi’. Ma yad ma dugdugthin,

Roma 1:31

ma yad ma ngongliy e ngongol ko balyang; darir yul’yul’gad ko tin ni karogned ni ngar rin’ed, ma dar golgad ma der kireban’rad ngak be’.

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

1 Korinth 7:9

Machane fa’anra dabkiyag ni ngam k’adedan’med, me ere mu uned ko mabgol — ya kabfel’ ni nga ni mabgol ko bin ni ngu’u nim’ ni bochan e ngan par.

1 Thessalonika 4:8

Ere cha’ nra n’ag e re machib ney e gathi ke n’ag e girdi’, ya ke n’ag Got ni ir e ma pi’ e Kan Nthothup rok ngomed.

1 Timothy 3:11

Ma ppin rorad e ku errogon ndabisiy ni bfel’ pangirad, ndab ur uned ko dugdug thin; ma thingar ra pired ni yad ba gonop mrayag ni ngan pagan’uy ngorad u urngin ban’en.

Titus 1:8

Ma thangri m’agan’ ngay ni nge fek e milekag nga tabinaw rok nge ayuweg ma ba’adag e tin ni bfel’. Ma thangri yag rok ni nge t’ar laniyan’ ko tin nde fel’, ma nge par nib yul’yul’, ma ba thothup, mrayag ni nge tel ir ko tin nde mat’aw.

Titus 2:3

Ma ku errogon ni ngamog ngak e pi’in kar puwelwolgad ni nge par pangirad ni bod yalen e pi’in ni ppin ni yad ma par nib mat’aw pangirad u mit Got. Ma thangri dab ur t’ared e thin nga daken e girdi’, ara ra pired ni kar manged sib ko wayin. Ma thingar ra filed e tin ni bfel’

James 2:6

Machane gimed be n’ag fan e pi’in ni gafgow! Mi mini’ e ma gafgow nagmed nge girngiymed nga p’eowchen e pi tapuf oloboch? Pi’in ni pire’ ban’en rorad!

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

2 Peter 2:19

Be lungurad e gadad e girdi’ e ba puf rogodad ni ngad rin’ed e tin gadad ba’adag, machane yad e kar pired ni kar manged sib ko ngongol nma kireb nigey nike mecham ngorad — ya demturug ban’en nra gel ngak be’ ma aram e ke par fa’anem ni kemang sib rok fare n’em.

2 Peter 3:3

Bin som’on e thingar mu nanged ni tin tomur e rran e bay yib i m’ug boch e girdi’ riy ni tin ni yad be yim’ ni bochan e ir e be gagiyegnag pangirad. Bay ur mon’oggad ngomed

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.

Jude 1:18

Ya fa’an rogned ngomed ni lungurad, “Ra taw ko tin tomuren e rran ma bayi m’ug e girdi’ ni bay ur moning niged gimed, ni girdi’ ni tin nib kireb ni yad be yim’ ni bochan, e ir e yad be fol riy.”

Revelation 13:15

Ma fa bin migid e gamanman e ni pag ni nge pag athon l’ugun ni bay e yafos riy nga fithik’ fare liyos ni kan ngongliy ni ya’an fa bin som’on e gamanman, me yog ni nge non fare liyos ma rayag ni nge gagiyeg ngan li’ ngem’ urngin e pi’in ndab ra ted fan ma dab ra meybilgad ngak.

Revelation 13:17

ni dariy be’ nrayag ni nge chuw’iy ban’en fe pi’ ban’en nchuway’ ni fa’anra dariy e re pow ney rok, ni aram e fithingan fare gamanman ara re matha’eg nike yan nga luwan fithingan.

Revelation 16:6

Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”

Revelation 17:6

Mu gguy fare pin nike chingnag nga racha’en pi girdi’en Got, nge racha’en e pi’in nli’rad ngarm’ad ni bochan e ur pired ni yad ba yul’yul’ ngak Jesus. Ma fa’an gguy e re pin nem me ri gu gin ngak.