2 Timothy 2:2 - Bible Ni Thothup

² Mfek fapi thin ni mu rung’ag ni gu machibnag u p’eowchen e girdi’ ni yo’or ni yad e mich riy, ngam pi’ ngak e pi’in pumo’on nike pagan’um ngorad, ni pi’in pumo’on ni ku rayag ni ngar machib niged boch e girdi’.

2 Timothy 2:2 Σταυροειδείς Αναφορές

Ezra 7:10

Ma ke par Ezra ni be fil urngin fapi motochiyel rok SOMOL, ma be fol riy, ma be fil ngak yu Israel.

Ezra 7:25

“Gur Ezra e ngam maruwel ko gonop nike pi’ e Got rom ngom ngam duwgiliy e pi am nge pi tapuf oloboch ni yad e ngar gagiyeg niged urngin e girdi’ ni bay u lan e ley ni ngal e nug nu Eufrates, ni yad be fol ko Motochiyel rok e Got rom. Thingar mu filed e pi Motochiyel nem ngak e pi’in ndawor ra nanged.

Nehemiah 7:2

Gu tay l’agruw i pumo’on ni ngu’ur gagiyeg nigew fare binaw nu Jerusalem: Hanani nib mo’on ni walageg nge Hananiah nib mo’on ni ir e ma gafaliy e salthaw nu lan fare binaw ni kan yororiy ni fan ko mael. Hananiah e be’ nib pagan’uy ngak ma bay madgun Got u wan’.

Psalms 101:6

Bayi fel’ u wun’ug e pi’in yad ba yul’yul’ ngak Got ma bay gu pagrad ngar pired rog u tafen e pilung. Pi’in nri yad ba yul’yul’ e ni pagrad ngar pigpiggad ngog.

Proverbs 13:17

Pi tamal’og ni dabi pagan’uy ngorad e yad ra k’aring e oloboch, ma pi’in yima pagan’uy ngorad e yad ma fek e gapas i yib.

Jeremiah 23:28

Ra lik’ay reb e profet ma thangri yog ni lik’ay e ke tay, ma re profet nike rung’ag e thin rog ni kug weliy ngak ni nge yog e thangri weliy u fithik’ e yul’yul’. Ra ni puluweg kenggin e wheat nga wom’ngin ma mang e bfel’ ni bay u kenggin e wheat?

Levitikus 14:42

Ngemu’ min fek boch e malang ngan tay nga lon fatinef e malang ni kan chuweg, mu ku nin’ luwan e yungin ni kan ker u dow e rungrung u ba’an naun.

Malaki 2:7

Ri maruwel rok e pi prist ni ngar filed e tin riyul’ u murung’agen Got. Girdi’ e susun e ngranod ngorad ngar filed e tin nib m’agan’ug ngay, ya yad e pi tafek thin rok SOMOL ni Gubin ma Rayag Rok.

Numbers 12:7

Mi Moses ni tapigpig rog e gathi ara’ rogon; ya kug tay ni ir e ke milfan urngin e girdi’ rog ngak ni er yu Israel.

Matthew 13:52

Ma aram me fulweg ni ga’ar, “Fan e ren’ey e gubin e tamchib ko Motochiyel ni kar filed murung’agen e gagiyeg ni yib u tharmiy kar manged pi gachalpeg e yad bod be’ ni bay e naun rok ni yan i fek e tin nib be’ech nge tin nib kakrom ban’en u lan e senggil rok nma cha’riy ban’en riy.”

Matthew 24:25

Mu telmed! Ya kug weliy ngomed e ren’ey u m’on ko ngiyal’ ni dawori taw ngay.

Luke 12:42

Me fulweg Somol ni ga’ar, “Ere mini’ e en ni ir fare tapigpig nib yul’yul’ ma ba gonop? I ir e en ni masta rok e tay ni nge milfan urngin ban’en ngak, ma be ayuweg e tabinaw, ma be pi’ ngak e tin ni kabay e tapigpig e tirorad e ggan ko ngiyal’ ni yima pi’ riy.

1 Korinth 4:2

Ren’en ni ir e th’abi ga’ fan ni nge rin’ e cha’ ni ir e mmil fan e pin’ey ngak e nge par nib yul’yul’ ngak e masta rok.

2 Korinth 2:14

Machane ke magaer Got! Ya ta’ab girdi’ ni kad ted Kristus e gubin ngiyal’ ni be fekdad Got i yan ni gadad e kalbus ni yibe dag i yan ni bochan e gel nike tay Kristus. Got e be maruwel ngodad ni ngad muruwliyed nge nang urngin e girdi’ Kristus ni bod rogon ban’en ni bfel’ bon ni be wear u gubin yang i yan.

2 Korinth 3:5

Ya dariy rogomad ni nggogned nrayag ni gu ngongliyed e re maruwel ney. Ya gelngimad ni nggu muruwliyed ngay e Got e ke pi’ ngomad:

Kolose 1:7

Mu rung’aged e re bugithin ney rok Epafras, ni be’ nrib t’uf rodad, ni ir reb e tapigpig ni bod gamow, ni ir be’ nib yul’yul’ ko maruwel rok Kristus, ni er gamow.

1 Timothy 1:12

Gu ma pining e magaer ngak Kristus Jesus ni ir e Somol rodad, ni ir e ma pi’ gelngig ko maruwel ni gu be tay. Gu ma pining e magaer ngak ni bochan e be finey nrayag ni nge pagan’ ngog, nge bochan e turguyeg ni nggu pigpig ngak,

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

1 Timothy 4:14

Dab mpag e tin nrayag rom ni Got e ke pi’ ngom, ni pi’ ngom ko fa ngiyal’ ni welthin fapi profet riy me tay e pi’in pi’ilal ko galesiya pa’rad nga dakenam.

1 Timothy 4:6

Fa’anra mog e pi thin ney ngak walagdad ni girdi’en Kristus ma ga ra mang reb e tapigpig ni bfel’, ni tapigpig rok Kristus Jesus, ma aram e ga be duruw’iyem ko thin ko mich u wun’uy ngak Kristus nge bin nib riyul’ e machib ni ir e kam fol riy.

1 Timothy 5:22

Dab mu gur ngam tay pa’am nga daken be’ ngam yibiliy ni fan e nge muruwliy e maruwel rok Somol. Dab mu’un ko denen ni be ngongliy boch e girdi’; mu tem ni gab machalbog.

1 Timothy 6:12

Mu athamgil ngam mil nike musmus rogom ko sagreng ni yibe tay u rogon nib mich Got u wun’uy, ngam yagnag ngom e yafos ndariy n’umngin nap’an; ya ireray e re yafos nike piningem Got ngay ko fa ngiyal’nem ni mu weliy ni bfel’ rogon u p’eowchen bo’or e girdi’ rogon nike mich Kristus u wun’um.

2 Timothy 3:10

Machane kamfol ko machib ni gu be yog, nge pangig, nge n’en ni gu be nameg ko biney e tamilang; ma kam fal’eg i yaliy rogon ni gu be par nib mich Kristus u wun’ug, nge fenag gumaen’, nge rogon nib t’uf Got rog nge girdi’, nge rogon ni gu ma k’adan’ug,

2 Timothy 3:14

Machane gur e ngu’um par ko tin nib riyul’ e thin ni kan fil ngom, ni ir e kari mich u wun’um. I gur e ga manang ko mini’ e pi’in ur machib niged gur,

Hebrews 2:17

Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

1 Samuel 2:35

Bay gu mel’eg ba prist nra yul’yul’ ngog nge rin’ gubin e tin gu ba’adag ni nge rin’. Bay gu pi’ ngak e pi’in owchen, ni gubin ngiyal’ ni bay ur pigpiggad u p’eowchen e re pilung ni gag e kug duwgiliy.