2 Samuel 9:7 - Bible Ni Thothup

⁷ Me ga’ar David, “Dab mu rus, ya bay gu par ni gab t’uf rog ni bochan Jonathan ni chitamam. Bay gu fulweg ngom urngin e binaw ni tafen e tutuw rom i Saul, ma bay um par ni gubin ngiyal’ ma ba puf e kanawo’ ngom ni nga mub mu’un ngog ko abich u tebel rog.”

2 Samuel 9:7 Σταυροειδείς Αναφορές

Genesis 43:18

Fa’an nni fekrad i yib ko naun rok Josef miyad tamdag, ya ra leam niged ni lungurad, “Ka ni fekdad i yib ngaray ni bochan fapi salpiy nni fulweg ngan tay ngalan e tutuw rodad ko som’on. Bay ra oggad ngodad ngan fekdad ngan ta’dad ni sib, mi ni fek e dongki rodad.”

Genesis 43:23

Me ga’ar fare tapigpig, “Dabi magafan’med, ma dab mu tamdaggad. Ya Got, ni fare Got rok e chitamangimed, e ir e ke tay e salpiy ngalan e tutuw romed ni fan ngomed. Ya salpiy ni mpi’ed nga puluwon e ggan ko som’on e kug fek.” Me fek fare tapigpig Simeon i yib ngorad.

2 Samuel 12:8

Kug pi’ ngom gil’ilungun ni ngam gagiyegnag nge pi le’engin; ma gu dugiliyem ni gur e ngam mang pilung rok piyu Israel nge yu Judah. Fa’an mang e de gaman e tiney, ma ruw yay e tiney ni ku ra mun ngay nggu pi’ ngom.

2 Samuel 19:28

Ya urngin girdi’en e tabinaw rok e chitamag e ba’ tapgin ni ngam li’rad ngarm’ad, machane gur e mpi’ mat’awug ni ngu’ug un ngom ko abich u tebel rom. Dariy mat’wug ni ngku gu wenignag ban’en ngom ni ngam rin’ ngog.”

2 Samuel 19:29

Me fulweg David ni Pilung ngak ni ga’ar, “Dakuriy ban’en ni ngku mog, ya kug duwgiliy ni gur nge Ziba e nge milfan ngomew e tirok Saul ban’en.”

2 Samuel 19:33

Me ga’ar David ni Pilung ngak, “Mu un ngog ngdarow nga Jerusalem ngu’ug ayuwegnem u rom.”

2 Samuel 21:7

Machane bochan e michmich u fithingan Got ni tay David nge Jonathan, ma de pi’ David Mefibosheth ni be’ ni pumo’on ni fak Jonathan, ni Saul e tutuw rok.

2 Samuel 9:1

Me fith David ni ga’ar, “Gur kabay be’ nike magey ko tabinaw rok Saul? Fa’anra bay, ma gub adag ni nggu t’ufeg ni bochan Jonathan.”

2 Samuel 9:10

Gur nge pifakam ni pumo’on, nge tapigpig rom e ngu’um wolduguyed e pi binaw nem ni fan ngak e tabinaw rok e masta rom i Saul, mi gimed kunuy e ggan nike yag riy ngam feked i yib ngar kayed. Me Mefiboseth e bay i par ni gubin ngiyal’ ma bay i un ko abich u tebel rog.” (Ziba e ragag nge lal e pumo’on ni fak ma reliw’ e tapigpig rok.)

2 Samuel 9:11

Me fulweg Ziba ni ga’ar, “Pilung rog, gu ra rin’ urngin e tin ni ga ra yog.” Ma aram mi i un Mefiboseth ko abich u tebel rok David ni bod rogon reb fapi pumo’on ni fak David.

2 Samuel 9:13

Mefiboseth nruw raba’ i ay ma bmugutgut, e aram e par u lan yu Jerusalem ngi i un ko abich u tebel rok David ni Pilung.

2 Samuel 9:3

Me fith David ni Pilung ngak ni ga’ar, “Mog, kabay be’ nike magey ko tabinaw rok Saul nrayag ni ug ngongliy e tin nib yul’yul’ ngak ma gu be t’ufeg, ni bod ni kug micheg ngak Got ni gu ra rin’?” Me fulweg Ziba ni ga’ar, “Ka bay reb e pagel ni fak Jonathan, ni be’ nib mugutgut.”

1 Kings 2:7

“Machane ngu’um gol ngak e pi pumo’on ni fak Barzillai nu Gilead, mu um ayuwegrad; ya ur ayuweged gag fa ngiyal’ ni gu be mil rok Absalom ni walagem.

2 Kings 25:29

Ma aram minog ngak Jehoyakin nge chuweg madan e kalbus u daken mi i un ngak e en ni pilung ko abich u tebel rok u n’umngin nap’an e yafos rok.

Psalms 41:9

Mus ko en nri gamow bpach, ni en nri ma pagan’ug ngak, ni be’ ni gamow ma abich u ta’bang, nike cheal ke togopluw ngog.

Jeremiah 52:33

Ma aram mi ni pag Jehoyakin nge chuweg madan e kalbus u daken mi i un ngak e en ni pilung ko abich u tebel u n’umngin nap’an e yafos rok.

Zekariah 7:9

“Kakrom e gu pi’ e pi motochiyel ney ko girdi’ rog: ‘Thingar mu ted gimed ngay ni tin nib mat’aw e ngan rin’, ma thingar i m’ug e gol nge t’ufeg nge wurengan’ ni bayu thilmed ngomed.

Matthew 6:11

Mpi’ ngomad e daba’ e ggan ni nge yag ngomad.

Luke 22:30

Bay mu uned ngog ko abich nge garbod u tebel rog ko gin nsuwog, ma bay mpired nga tagil’ e pilung ngam gagiyeg niged fa ragag nge l’agruw i ganong nu Israel.”

Revelation 3:20

Mmotoyil! Kug sak’iy nga langan e mab gu be tugtuguy; ma fa’anra rung’ag be’ lungug me bing e mab, mra gub ngalan e naun rok nggu un ngak ko abich, me un ngog ko abich.

1 Samuel 12:24

Um pired ni bay madgun SOMOL u wun’med mu um rin’ed e tin ba m’agan’ ngay u polo’ i lanin’med ngu fithik’ e yul’yul’. Um leam niged fapi maang’ang nike rin’ ni fan ngomed.

1 Samuel 20:15

ma ngam gol ngak girdi’en e tabinaw rog ndariy n’umngin nap’an ni bod rogom ngog e chiney. Ma nap’an nra thirif SOMOL urngin e pi to’ogor rom u but’,

1 Samuel 22:23

Mu par rog ma dab murus. Ba’adag Saul ni nge thang e fan rodow ni gadow l’agruw, machane ga ra par rog ma dariy ban’en nra buch rom.”