2 Samuel 8:6 - Bible Ni Thothup

⁶ Ma aram me n’uf e pi tent ko salthaw u lan taferad, mar pired u tan pa’ ngu’ur pi’ed e tax ngak. Me tay SOMOL i David ngi i gel u gubin yang.

2 Samuel 8:6 Σταυροειδείς Αναφορές

2 Samuel 10:19

Nap’an ni nang e pi pilung ni urmed u tan pa’ Hadadezer nike gel piyu Israel ngorad, mar fal’eged e gapas u thilrad mar pired u tan pa’ piyu Israel. Ma aram e kerus piyu Syria ning ku ra ayuweged e pi Ammon bayay.

2 Samuel 23:14

Ngiyal’nem e bay David u daken bangi ted ni kan yororiy ni fan ko mael, ma bay ba ulung i Filistine ni yad be par Bethlehem.

2 Samuel 3:18

Irera’ e ngiyal nrayag. Kigimed manang ni yog SOMOL ni ga’ar, ‘Bay gu maruwel ngak e tapigpig rog i David nggu cheweg e girdi’ rog nu Israel u pa’ e pi Filistine nge urngin e tin kabay e to’ogor rorad.’”

2 Samuel 5:10

Mi i gel i yan, ya SOMOL ni Gubin ma Rayag Rok e bay rok.

2 Samuel 7:9

Gubin yang ni um man riy i yan ma gu bay rom, me gag e kug li’ urngin e pi to’ogor rom u fithik’ e mael. Bay gu gagiyeg nigem ngam gilbugwan ni bod e pi’in yad ma yog e thin ni yad e ba ga’ lungrad u fayleng.

2 Samuel 8:14

Me n’uf e pi tent ko salthaw u lan yu Edom, ma girdi’ u rom e ra pired nga tan pa’ David. Me tay SOMOL David ngi i gel u gubin yang.

2 Samuel 8:2

Ma aram miki gel ngak piyu Moab. Me yog ni pi kalbus e ngar thiggad nga but’ min the’egrad ni yu dadalip min li’ l’agruw. Ma aram me par piyu Moab nga tan pa’ ngu’ur pi’ed e tax ngak.

2 Samuel 8:7

Me kunuy David fapi shield nib gol nma fek e pi tolang ko salthaw rok Hadadezer nge fek nga Jerusalem.

1 Kings 4:21

Gagiyeg rok Solomon e bmu’un urngin e pi nam ni tabab ko fare Lul’ ni Eufrates nge mada’ nga Filistia nge fare mathil nu Egypt. U ra pi’ed e tax rorad ngak mu ur pired u tan pa’ ni n’umngin nap’an e yafos rok.

2 Kings 1:1

Tomuren nike yim’ i Ahab ni Pilung nu Israel me togopluw fare nam nu Moab ngak yu Israel.

2 Kings 14:28

Gubin e tin kabay ni ki rin’ Jeroboam, ni feni m’uthan nge falu’ ko pi mael, nge rogon ni fulweg yu Damaskus nge yu Hamath ngak yu Israel, e go’ kani yoloy ngalan Chepin e Pilung nu Israel.

2 Kings 18:7

Ere SOMOL e immoy rok, ma gubin ban’en ni ngongliy me yan ni aw ni bfel’ rogon. Me togopluw ngak fare pilung nu Assyria ni de m’ing ngak.

2 Kings 3:4

Mesha ni Pilung nu Moab e ma chugliy e saf, ma gubin e duw nma pi’ e mokun rok ngak e pilung nu Israel, ni 100,000 e fak e saf nge bunu’en 100,000 e saf.

1 Kronicles 18:13

Me n’uf e pi tent ko salthaw u lan yu Edom i yan, me par e girdi’ nu rom nga tan pa’ David ni Pilung. I SOMOL e gagiyegnag David nge gel u gubin yang.

2 Kronicles 17:2

Me tay e salthaw ngalan fapi binaw nu Judah ni kan yororiy nib gel ni fan ko mael, nge tin kabay e binaw u lan fapi binaw ni kol Asa ko nug nu Efraim.

Psalms 140:7

SOMOL rog nib Th’abi Tolang, ni yoror rog nib el, kam rungrung ngog u fithik’ e mael.

Psalms 60:10

Got rriyul ni karim n’agmad? Mog, dab kum un ngak e pi salthaw romad ko mael?

Proverbs 21:31

Rayag ni ngam fal’eg rogon e os ni fan ko mael, machane SOMOL e ir e ma gel nigey.

1 Samuel 13:3

Me li’ Jonathan pilungen e salthaw rok e pi Filistine u lan yu Geba, me rung’ag e pi Filistine murung’agen. Me pi’ Saul e pi mol’og ni ngan thoy e yabul u lan e re nam nem ni ga’ngin, ni aram e yi be pining e pi Hebrew ni ngan mael.

1 Samuel 14:1

Me reb e rran me ga’ar Jonathan ngak be’ nib pagel ni ir e be fek talin e cham rok Jonathan, “Nga darow ko gin ke yan i par e salthaw rok e pi Filistine ngay.” Machane de yog Jonathan ngak e chitamngin.

1 Samuel 14:15

Ma urngin e pi Filistine ni yad bay u rom ni yib e marus ngorad; ma pi’in yad ma yan nga mit e mael nge pi salthaw ni yad bay ko gin be par e pi salthaw riy e ur t’on gad ko marus; me yib e durru’, mri gel boch e marus rorad.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”