2 Samuel 8:4 - Bible Ni Thothup

⁴ Me kol David 1,700 e salthaw rok Hadadezer ni ma yan u os nge 20,000 e salthaw rok ni yad be yan u but’. Me tay David boch e pi os nem ni nge fanay 100 e chariot rok ma go’ th’ab e graw u ay e tin ni magey nge dakiyag nranod.

2 Samuel 8:4 Σταυροειδείς Αναφορές

Genesis 49:6

Dab gu un ngorow ko thin nib mith ni yow ma puruy’nag; dab gu mang reb i girdi’en e mu’ulung rorow, ni bochan e yow ra damumuw mi yow thang e fan rok e girdi’, ma yow ma marwothnag e garbaw nib gosgos u wan’row.

1 Kings 10:26

Me kunuy Solomon 1,400 e chariot nge 12,000 e os, boch e pin’em e i ayweg u lan yu Jerusalem ma tin ni magach e tayrad ngalan boch e binaw.

1 Kronicles 18:4

Me kol David reb e bbiyu’ e chariot rok, nge medlip e bbiyu’ e salthaw nma yan u os, nge rliw’ e bbiyu’ e salthaw nma yan u but’. Me fek e os nra gaman u ra’ay e chariot me t’ar ay e tin kabay os.

Psalms 20:7

Boch e girdi’ e be pagan’rad ko pi chariot ko mael ni bay rorad, ma boch e be pagan’rad ko os rorad, machane gadad e be pagan’dad nga gelngin SOMOL ni Got rodad.

Deuteronomy 17:16

En nra pilung e dabi leamnag ni nge yo’ornag e os rok ni fan ko ba’ rok e salthaw, ma dabi l’oeg e girdi’ nga Egypt ni ngar chuw’iyed e os. Ya keyog SOMOL ni girdi’ rok e dakuriy bi’id ni ngki sul ngaram.

Joshua 11:6

I SOMOL e ga’ar ngak Joshua, “Dab mu rus ngorad. Re ngiyal’ i n’ey gabul e bay gu li’rad ngarm’ad ni fan ngak yu Israel. Me gur e ngam th’ab e garaw u ay e pi os rorad ma ga urfiy e pi chariot rorad.

Joshua 11:9

I rin’ Joshua ngorad e tin ke tay SOMOL chiylen: i th’ab e garaw u ay e os rorad me urfeg fapi chariot rorad.