2 Samuel 8:15 - Bible Ni Thothup

¹⁵ Me gagiyeg David u daken yu Israel ni ga’ngin ma be guy ni nge par e girdi’ rok ni gubin ngiyal’ ni yibe aywegrad ni bfel’ ma ba mat’aw rogon.

2 Samuel 8:15 Σταυροειδείς Αναφορές

2 Samuel 15:3

me ga’ar Absalom ngak, “Mu sap, rogon ko motochiyel e gur e bfel’ e rom, machane dariy be’ nike duwgiliy e en pilung ni nge par ni ir e owchen ni nge rung’ag e tin ni ngamog.”

2 Samuel 20:23

I Joab e i gafaliy fare raba’ i salthaw nu Israel; me Benaiah nib mo’on ni fak Jehoyada e ir e tagafaliy e pi salthaw ni yad ma matnagiy David;

2 Samuel 3:12

Me l’oeg Abner e pi tamal’og ngranod ngak David, ni bay u Hebron e ngiyal’nem, ni ngar ga’argad ngak, “Mini’ e en ni nge gagiyegnag e re nam ney? Mu ngongliy ba m’ag u thildow, mug ayuwegnem ngam fek yu Israel ni ga’ngin ngar manged nga ba’ rom.”

2 Samuel 5:5

I par u Hebron ngi i gagiyegnag yu Judah ni medlip nge baley e duw, me par u Jerusalem ngi i gagiyegnag yu Israel ni ga’ngin nge yu Judah ni guyey nge dalip e duw.

2 Samuel 8:14

Me n’uf e pi tent ko salthaw u lan yu Edom, ma girdi’ u rom e ra pired nga tan pa’ David. Me tay SOMOL David ngi i gel u gubin yang.

2 Samuel 8:16

I Joab ni chitinngin e Zeruyah, e ir e tolang ko salthaw; me Jehoshafat nib mo’on ni fak Ahilud e ir e ba milfan babyoren urngin ban’en ngak;

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

1 Kings 4:1

I Solomon e pilung u ga’ngin yu Israel,

1 Kronicles 18:14

Me gagiyeg David u daken yu Israel ni ga’ngin me guy ni ngi i par e girdi’ rok nib mat’aw ma ba yal’uw rogon ni yibe ayuwegrad.

Psalms 119:121

Kug rin’ e n’en ni bfel’ ma ba manigil; dab mu pi’eg nga pa’ e pi to’ogor rog!

Psalms 72:2

ya nge gagiyegnag e tirom e girdi’ nib yal’uw, mi i rin’ e tin nib mat’aw ngak e pi’in gafgow.

Psalms 75:2

Got e be ga’ar, “Kug duwgiliy e ngiyal’ ni ngan pufthin, ma gu ra pufthin nib mat’aw rogon.

Psalms 89:14

Gagiyeg rom e ntoy nga daken e mat’aw nge yal’uw; t’ufeg nge yul’yul’ e be m’ug ko urngin e ngongol rom.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

Amos 5:24

Ngam guyed rogon e tin nib yal’uw nge tin nib mat’aw ngi i yan ni bod ba lul’ nder m’ay e ran riy.

Hebrews 11:33

Michan’ rorad ngak Got e ir e ra maelgad riy ngak e pi nam ngar gelgad. Rrin’ed e tin nib mat’aw me yog ngorad e tin keyog Got nra pi’ ngorad. Ra ninged l’ugun e layon,

1 Samuel 14:47

Tomuren ni mang Saul pilung nu Israel me mael ngak urngin e pi to’ogor rok ni bay u gubin yang, ni aram e girdi’ ko Moab, ngu Ammon, ngu Edom, nge fapi pilung nu Zobah, nge pi Filistine. Gubin yang ni i yan ngay ko mael ma i gel.