2 Samuel 8:13 - Bible Ni Thothup

¹³ Miki gel boch e gilbugwan rok David nga feni sorok nnap’an ni sul nike thang e fan rok ragag nge meruk e biyu’ e pi Edomite u lan e Laway ni Sol.

2 Samuel 8:13 Σταυροειδείς Αναφορές

Genesis 11:4

Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”

2 Samuel 7:9

Gubin yang ni um man riy i yan ma gu bay rom, me gag e kug li’ urngin e pi to’ogor rom u fithik’ e mael. Bay gu gagiyeg nigem ngam gilbugwan ni bod e pi’in yad ma yog e thin ni yad e ba ga’ lungrad u fayleng.

1 Kings 11:15

Ma kab kakrom ko ngiyal’ney, nnap’an ni mael David nga Edom nge kol, me yan Joab ni ir e ga’ ko salthaw rok ngaram ni nge k’eyag e pi’in karm’ad. Me par Joab nge pi salthaw rok u Edom ni nel’ e pul, ma ngiyal’nem e ra thanged e fan rok gubin e pumo’on nu Edom

2 Kings 14:7

I Amaziah e thang e fan rok 10,000 e salthaw nu Edom u lan fare loway ni Sol; me kol u tan e mael fare binaw nu Sela me tunguy fithingan ni Joktheel, ni ka aram fithingan e chiney.

1 Kronicles 18:12

Abishai ni chitiningin Zeruyah, e gel ngak piyu Edom u lan ba loway ni Loway ni Sol fithingan ni thang e fan rok ragag nge meruk e biyu’ i yad.

2 Kronicles 25:11

Mri athamgil Amaziah nge pow’iy fare raba’ i salthaw rok ngranod ko fare Loway ni Sol fithingan. Mar chamgad u rom ngar li’ed ragage bbiyu’ e salthaw nu Edom

Psalms 60:1

Got, kam n’agmad, ma kam waer nagmad; Ku’um damumuw ngomad; ma wenig ngom mu sul ngomad.