2 Samuel 8:1 - Bible Ni Thothup

¹ Me yan i bangiyal’ me mael David ni Pilung ngak e pi Filistine bayay nge gel ngorad, me taleg e pi gagiyeg ni ur ted u daken fare nam.

2 Samuel 8:1 Σταυροειδείς Αναφορές

2 Samuel 19:9

Ma gubin yang u daken e nam nu Israel ni be tugthin e girdi’ riy ni be lungurad, “I David ni Pilung e chuwegdad u tan pa’ e pi to’ogor rodad. I ayuwegdad rok e pi Filistine, machane chiney e ke mil rok Absalom ke chuw ko binaw.

2 Samuel 2:24

Machane me tabab Joab nge Abishai i tuluf Abner, me yan ni nge aw e yal’ ma kar tawgad ko fachi burey ni Ammah, ni bay ko ngek u Giah ko kanawo’ ni yan nga magargear nu Gibeon.

2 Samuel 22:44

Kam ayuwegneg u pa’ e girdi’ ko nam rog nra togopluwgad ngog, kam teg ni gag e gu be gagiyegnag e pi nam; girdi’ ni ug par nda gu nang owcherad e gag e gu be gagiyeg nagrad e chiney.

2 Samuel 5:17

Me rung’ag e pi Filistine ni David e ke mang pilung nu Israel; miyad yan ni yad gubin ni ngar koled. Fa’ani rung’ag David, me yan nga p’ening ko fare yoror ni ka ni ngongliy ni fan ko mael.

2 Samuel 5:25

Me rin’ David e tin keyog SOMOL, me tuluf e pi Filistine u Geba ngranod ngar mada’gad nga Gezer.

2 Samuel 7:9

Gubin yang ni um man riy i yan ma gu bay rom, me gag e kug li’ urngin e pi to’ogor rom u fithik’ e mael. Bay gu gagiyeg nigem ngam gilbugwan ni bod e pi’in yad ma yog e thin ni yad e ba ga’ lungrad u fayleng.

Psalms 18:43

Kam ayuwegneg u pa’ e girdi’ ni tatogopluw, kam teg ni nggu gagiyegnag e pi nam; ni bogni’ ni dagnangrad e kar pired e chiney nga tan pa’ag.

Psalms 60:2

Ka mu durru’nag e but’; ke say ke mab, mu golnag e maad’ad riy, ya be puth.

Psalms 60:8

Machane bay gu tay yu Moab ni barba’ i dabiy ni nggu luknag rifrifan eg riy, ma bay gon’ e sus rog nga daken yu Edom, ni pow riy nib milfan ngog. Gur, i finey yu Filistia ni yad ra tolul nga dakenag ni bochan e kar gelgad?”

Hebrews 11:33

Michan’ rorad ngak Got e ir e ra maelgad riy ngak e pi nam ngar gelgad. Rrin’ed e tin nib mat’aw me yog ngorad e tin keyog Got nra pi’ ngorad. Ra ninged l’ugun e layon,

Hebrews 11:34

miyad thang e nifiy nib gel, ma de yag ni ngan li’rad ko saydon. Yad mme’waer machane yib gelngirad ngar gelgad; ma yad ba gel ko mael, ma aram miyad li’ e salthaw rok e pi nam.

1 Samuel 7:13

Aram me waer e pi Filistine, me talegrad SOMOL ndakiyag ni ngarbad ni mael ko gin ntafen piyu Israel u n’umngin nap’an e yafos rok Samuel.