2 Samuel 7:3 - Bible Ni Thothup

³ Me fulweg Nathan ni ga’ar, “Mu rin’ e tin ni ga ba’adag, ya SOMOL e bay rom.”

2 Samuel 7:3 Σταυροειδείς Αναφορές

2 Samuel 7:4

Machane re nep’ i n’em me ga’ar SOMOL ngak Nathan,

1 Kings 1:8

Machane Zadok ni prist nge Benayah nib mo’on ni fak Jehoyada, nge Nathan ni profet, nge Shimei, nge Rei, nge pi salthaw ni matanagen David e dar folgad ngak Adonijah.

2 Kings 4:27

Ma fa’ani yib ngak Elisa me yib i paraw nga but’ me kol rifrifen ay. Me yib Gehazi ni nge therbeg fare pin nga orel, machane me ga’ar Elisa, “Mfan rok e cha’nir. Damur guy ni kari kireban’? Ma dariy ban’en nike yog SOMOL ngog u murung’agen e tin ke buch rok.”

1 Kronicles 22:7

Me ga’ar David ngak, “Fakag, gu leamnag ni nggu toy ba tempel ni nggu liyor ngak SOMOL ni Got rog riy.

1 Kronicles 28:2

Me sak’iy David nga p’eowcherad me ga’ar ngorad: “Gimed e pumo’on ko nam rog, motoyilgad ngog. Kug leamnag ni nggu toy tafen fare Kahol ko M’ag, ni nge tagl’iy rifrifen ay SOMOL ni Got rodad. Ku gu t’ar madlin ba tempel ni ngan toy ni ngu’un liyor ngak riy,

1 Kronicles 29:29

Murung’agen David ni Pilung ko ngiyal’ ni tabab ko gagiyeg nge mada’ ko ngiyal’ ni tal e kan yoloy ngalan chepin fa dalip i profet ni aram Samuel, nge Nathan, nge Gad.

2 Kronicles 29:25

Fare pilung e fol u gubin e tin keyog SOMOL ngak David ni Pilung, ni non u l’ugun Gad ni profet rok David, ngu l’ugun Nathan ni profet; i tay fare pilung e pi Levite u lan fare Tempel ni bay e rappa nge cymbal rorad,

Psalms 20:4

Mang e yigi pi’ ngom e n’en ni fiti lanin’um me tay gubin e tin kam tanomnag nga tagil’.

Psalms 37:4

Mu gay e felfelan’ rom rok SOMOL, me pi’ ngom e tin ir e kari t’uf rom.

1 John 2:27

Machane gimed e ke pi’ Kristus e Kan Nthothup rok ngomed. N’umngin nap’an ni be par e Kan Nthothup rok romed e dariy rogon ni nge yib be’ i fil ban’en ngomed. Ya fare Kan Nthothup e be fil ngomed murung’agen urngin ban’en, ma tin be fil ngomed e ba riyul’, ma gathi de riyul’. Ere mfolgad ko tin be fil e Kan Nthothup ngomed ngam pired u fithik’ Kristus.

1 Samuel 10:7

Fa’anra yan i yodorom ma ngam rin’ e tin bayi pow’iyem Got ngay ni ngam rin’.

1 Samuel 14:7

Me fulweg fare pagel ni ga’ar, “Tin ga ba’adag e ngam rin’, ya gu bay u ba’ rom.”

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”