2 Samuel 7:21 - Bible Ni Thothup

²¹ Ya gur e kam leamnag kam turguy ni nge yodorom; gur e kam gagiyegnag ni nggu nang urngin e pin’ey nib sorom riy.

2 Samuel 7:21 Σταυροειδείς Αναφορές

1 Kronicles 17:19

I gur e lanin’um ni ngam rin’ e biney ni fan ngog ma kamdag ngog ni bayi ga’fag.

Psalms 115:1

Kemus ni gur, A SOMOL, kemus ni gur e thingar ni gilnagem, ma gathi gamad, ni bochan e t’ufeg rom nge fanam yul’yul’ ni dabimus.

Psalms 138:2

Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Matthew 11:26

Chitamag, i gur e mu turguy ni nge yodoroy nrogon nib m’agan’um ngay.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Luke 1:72

Me yog ni bayi runguy e pi chitamangidad, ya kabay u wan’ e m’ag rok nib thothup.

Luke 10:21

Ma ku errogon e re ngiyal’nem ni suguy e Kan Nthothup Jesus ko felfelan’ me ga’ar, “Chitamag ni gur e Somol u tharmiy ngu but’! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul. Chitamag, i gur e mu turguy ni nge yodoro’ nrogon nib m’agan’um ngay.

Luke 12:32

“Gimed e chi ulung ney e dab mu tamdaggad! Ya Chitamangimed e ba’adag ni nge pi’ e gin nsuwon ngomed.

1 Korinth 1:1

Re babyor ney e yib rok Paul, ni Got e leamnag nge pining ni nge mang reb e apostel rok Kristus Jesus, ma ki yib rok Sosthenes ni walagdad ni girdi’en Kristus —

Efesus 1:9

e rin’ riy e tin ke finey, me dag ngodad e n’en nike tay nib mith nike mu’ i leamnag rok ni nge libguy u daken Kristus.

Efesus 3:11

I rin’ Got e ren’ey nrogon e tin ni leamnag ko tabolngin ndawori sum e fayleng riy, ni yagnag u daken Kristus Jesus ni ir e Somol rodad.

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.