2 Samuel 7:2 - Bible Ni Thothup

² Ma aram me ga’ar David ni Pilung ngak Nathan ni profet, “Mu sap! Gu be par ko naun ni ren ni cedar e ni fanay ngay, machane fare Kahol ko M’ag rok Got e bay u lan ba tent!”

2 Samuel 7:2 Σταυροειδείς Αναφορές

2 Samuel 11:11

Me fulweg Uriah ni ga’ar, “Pumo’on nu Israel ngu Judah e yad bay ko mael, ni bay fare Kahol ko M’ag rok Got ni yad be fek; i Joab, ni ir e pilung ko salthaw nge pi tolang ko salthaw ni bay u tan pa’ e yad bay u daken e ted ni kar pired. Ere uw rogon ni nggu wan nga tabinaw rog ngu’ug abich ma gu be garbod, ma gu be mol rok e ppin rog? Gu be micheg nga fithingan urngin e pin’en nib thothup, nri dabiyag ni gu rin’ e binir e pa’!”

2 Samuel 12:1

Me l’oeg SOMOL Nathan ni profet nge yan ngak David. I yan Nathan i ga’ar ngak, “Immoy l’agruw i pumo’on ni yow girdi’en ta’ab binaw; bagayow e be’ nri pire’ ban’en rok ma bagayow e rib gafgow.

2 Samuel 5:11

Hiram ni Pilung nu Tyre e l’oeg e pi tamal’og ngak David; me pi’ yuley i ren ngak David ni cedar fithingan, nge girdi’en e dimow naun, nge pi’in yad manang rogon i ubung e malang ni yima fanay ko naun ni ngar toyed ba tafen e pilung ngak David.

2 Samuel 6:17

Miyad fek fare Kahol ko M’ag ngranod ra ted nga tagil’ u lan fare tent nike ngongliy David ni ngan tay ngay. Me pi’ David e gamanman ni maligach ngak SOMOL nge pin’en ni nge fal’eg thilin SOMOL nge girdi’.

2 Samuel 7:17

Me weliy Nathan ngak David urngin e tin ke dag Got ngak.

1 Kings 1:22

Ka be welthin ngak fare pilung, me yib Nathan ni profet nga naun.

1 Kings 1:8

Machane Zadok ni prist nge Benayah nib mo’on ni fak Jehoyada, nge Nathan ni profet, nge Shimei, nge Rei, nge pi salthaw ni matanagen David e dar folgad ngak Adonijah.

1 Kings 4:5

En th’abi ga’ u fithik’ fa pi’in yad bay u tan pa’: Azariah nib mo’on ni fak Nathan Tafnow rok e en pilung: Zabud ni prist nib mo’on ni fak Nathan

1 Kings 8:17

Me ul ul Solomon ngay nge ga’ar, “Chitamag i David e leamnag ni nge toy ba tempel ni ngu’un liyor ngak SOMOL ni Got rok yu Israel riy,

1 Kronicles 14:1

Hiram ni Pilung nu Tyre e l’oeg boch e tolang ko salthaw ngak David; nike un ngorad e pi’in salap ko dumow naun, nge girdi’en e fal’eg malang, nge yuley i ren ni cedar nib gaman ni ngan toy ba naun ko pilung ngay.

1 Kronicles 16:1

Miyad fek fare Kahol ko M’ag i yan ko fare tent nike fal’eg David rogon ni fan ngay ngar ted nga langgin. Aram miyad pi’ ngak Got e pi maligach ni mo’oruf nge pi maligach nma gapaseg thilin Got nge girdi’.

1 Kronicles 22:7

Me ga’ar David ngak, “Fakag, gu leamnag ni nggu toy ba tempel ni nggu liyor ngak SOMOL ni Got rog riy.

1 Kronicles 29:29

Murung’agen David ni Pilung ko ngiyal’ ni tabab ko gagiyeg nge mada’ ko ngiyal’ ni tal e kan yoloy ngalan chepin fa dalip i profet ni aram Samuel, nge Nathan, nge Gad.

2 Kronicles 1:4

Machane fare Kahol ko M’ag e yibe ayuweg u Jerusalem u lan fare tent ni n’uf David ni Pilung ngalang nnap’an ni yan i fek fare Kahol ko M’ag u Kiriath Jearim.)

2 Kronicles 29:25

Fare pilung e fol u gubin e tin keyog SOMOL ngak David ni Pilung, ni non u l’ugun Gad ni profet rok David, ngu l’ugun Nathan ni profet; i tay fare pilung e pi Levite u lan fare Tempel ni bay e rappa nge cymbal rorad,

2 Kronicles 9:29

Tin kabay u murung’agen Solomon kakrom ko tabolngin nge mada’ nga tungun e go’ kan yoloy ngalan fare babyor ni Chepin Nathan ni fare Profet, nge babyor ni Yi’iy rok Ahijah nu Shiloh, nge babyor ko Pin’en ni Pilyeg e Changar rok Iddo ni Profet ngi i guy, ni ku bay riy murung’agen e gagiyeg ni i tay Jeroboam ni Pilung nu Israel.

Psalms 132:2

SOMOL, mu leamnag e n’en ni micheg, ni mow ni micheg ngom, I gur fare Got rok Jacob, nib Th’abi Gel Gelngin ni ga’ar:

Psalms 132:5

nge yan i mada’ ko ngiyal’ ni nggu pir’eg bang ni nge par SOMOL riy, ni nge mang tabinaw ngak fare Got rok Jakob, nib Th’abi Gel Gelngin.”

Exodus 40:21

Ma aram me tay fare Kahol ngalan fare Tent me pag nga but’ fa gi kateng, ni nge rungrung ko fare Kahol ko M’ag. Nri bod rogon ni yog SOMOL ni ngan rin’.

Haggai 1:4

“Girdi’ rog, mangfan ni gimed be par u lan bogi naun ni fafalel’ ma kabay e Tempel rog u but’ nib puth?

John 2:17

Me yib ngan’ pi gachalpen ni bay ko babyor nib thothup nike ga’ar, “Rogon ni gu be tiyan’ug ko naun rom, i gur Got, e be yik’ u fithik’ag ni bod ba nifiy.”

Acts 7:46

Me fel’ David u wan’ Got, me wenig David ngak Got ni nge pag nge ngongliy ba naun ni nge tafnay e Got rok Jakob.