2 Samuel 7:19 - Bible Ni Thothup

¹⁹ Machane chiney e ka ba yo’or e tin kam rin’ ni fan ngomad, I gur SOMOL ni Th’abi Tolang; ya kamog ngog e tin ni bay mu rin’ ngak e pi’in owcheg ko tin ni bayib e duw nga m’on. SOMOL ni Th’abi Tolang kam gagiyegnag ba girdi’ ke guy e ran’ey!.

2 Samuel 7:19 Σταυροειδείς Αναφορές

2 Samuel 12:8

Kug pi’ ngom gil’ilungun ni ngam gagiyegnag nge pi le’engin; ma gu dugiliyem ni gur e ngam mang pilung rok piyu Israel nge yu Judah. Fa’an mang e de gaman e tiney, ma ruw yay e tiney ni ku ra mun ngay nggu pi’ ngom.

2 Kings 3:18

Miki ul ul’ Elisa ngay me ga’ar, “Machane ran’ey e rib mom ngak SOMOL ni nge rin’; ma ku bayi ta’med ngam gelgad ngak e pi Moab.

1 Kronicles 17:17

Ma ku dawor mu tal, kum micheg boch ban’en ni fan ngak e pi’in owcheg ko tin bayib e duw nga m’on, me gur SOMOL ni Got, e kam teg ni bod be’ nib ga’fan.

Psalms 36:7

A Got, rib th’ab feni fel’ e t’ufeg rom ni dabimus! Gamad be naf e girdi’ nga tan e taglul’ u pom.

Ezekiel 34:18

Boch i gimed e dar fel’ u wan’rad e pan nth’abi fel’ ni yad be kay; gimed be yot’yot’ nga but’ e tin ndamur ked! Gimed be unum e ran nib machalbog mi gimed pug e aer ko tin damur unumed.

Numbers 16:13

Mog dawori fel’ u wun’um ni kam fekmad nga wuru’ yu Egypt nib nam nib yong’ol e but’ riy ngamub mu thangmad ngaray u lan e gi ted ney? Ere gur e ngkum par nib ga’ lungum romad?

Numbers 16:9

Mogned, gimed be leamnag ma yug de ga’fan nike faelmed e Got rok yu Israel nga bang u fithik’ piyu Israel ni bochan e nge yag ni ngu’um chugurgad ngak, ma gimed be rin’ e maruwel romed u lan fare Tent rok SOMOL, ma gimed be sak’iy u mit yu Israel ngu’um machibgad mi gimed be pigpig ngorad?

Efesus 2:7

I rin’ e ren’ey ni nge dag ndariy n’umngin nap’an ga’ngin e runguy rok ngodad nge rogon fadad t’uf rok nike dag ngodad rok Kristus Jesus.

Joshua 5:14

Me fulweg fare mo’on ni ga’ar, “Dariy baraba’ ni gu ba’ riy, gu bay u roy ni gag e gireng ko ba’rok SOMOL e salthaw.” Me paraw Joshua nga but’ nike tayfan, me ga’ar, “I gag e tapigpig rom. Mang e ga ba’adag ni nggu rin’?”