2 Samuel 7:18 - Bible Ni Thothup

¹⁸ Me yan David ni Pilung ngalan fare tent u p’eowchen SOMOL, me yan i par nga but’ nge meybil ni be ga’ar, “SOMOL ni Th’abi Tolang, urngin e tin kam rin’ ni fan ngog e dariy rogog nga bang ni ngam rin’ ngog, ara ngam rin’ ngak e tabinaw rog.

2 Samuel 7:18 Σταυροειδείς Αναφορές

Genesis 32:10

I gag e tapigpig rom e dariy rogog nga urngin e runguy nge yul’yul’ rom ni kam dag ngog. Gu th’ab e lul’ ni Jordan nga baraba’ ndariy ta’a ban’en rog, ya kemus ni sog rog e bay u pa’ag, ma chiney e kug sul ni l’agruw ulung e girdi’ nge gamanman nike un ngog.

Genesis 32:11

Wenig ngom, mu ayuwegneg rok Esau ni walageg. Kug rus ngak ya richey nge yib i li’mad ni gamad gubin, nib mu’un e ppin nge bitir ngay.

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

2 Samuel 7:17

Me weliy Nathan ngak David urngin e tin ke dag Got ngak.

1 Kronicles 17:16

Ma aram me yan David ni Pilung ngalan fare Tent u p’eowchen SOMOL, me yan i par nga but’ me meybil ni ga’ar, “SOMOL ni Got, n’en ni kam mu’ i rin’ ni fan ngog, e dariy rogog ni ngam rin’ ngog, nge tabnaw rog.

1 Kronicles 29:14

“Yug aray rogon ma pi girdi’ rog nge gag e ri dabiyag ni gu pi’ed ban’en ngom, ni bochan e gubin ban’en ma tow’ath ni yib rom, ma n’en ni gamad be fulweg ngom e katirom.

Psalms 8:4

me lungug u wun’ug, girdi’ e mang ni ngam leamnag; kemus ni yad e girdi’, ma ri yad ba t’uf rom?

Exodus 3:11

Machane me ga’ar Moses ngak Got, “I gag mini’ ni nggu wan ngak Farao nggu fek piyu Israel nga wuru’ yu Egypt?”

Isaiah 37:14

Me fek Hezekiah ni Pilung fa gi babyor u pa’ e tama’log nge be’eg. Me yan nga Tempel, me yan i tay fagi babyor nga p’eowchen SOMOL,

Efesus 3:8

I gag e th’abi sobut’ u fithik’ urngin e girdi’ rok Got; machane ke pi’ Got ngog e re gaf i maruwel ney ndariy rogog ni ngan pi’ ngog, ni nggu fek fare Thin Ni Bfel’ i yan ngak e pi’in gathi yad piyu Israel, ni murung’agen e fla’ab rok Kristus ndariy ko fol,

Judges 6:15

Me fulweg ni ga’ar, “SOMOL, uw rogon ni nggu ayuweg piyu Israel? Ya fare ke girdi’ rog e ir e th’abi me’waer u fithik’ girdi’en e ganong rok Manasseh, mi gag e th’abi sobut’ u fithik’ e girdi’ ko birog e tabinaw.”

Ruth 2:10

Me siro’ Ruth nge yan i math owchen ko but’, me ga’ar ngak Boaz, “Gur e ri gab gol ngog. Mangfan be’ ni nge gol ngak ba milekag?”

1 Samuel 15:17

Me fulweg Samuel ngak ni ga’ar, “Yugu er rogon ni ga be leamnag ndariy rogom, ya gur e pilung ko pi ganong nu Israel. I SOMOL e ke gapgep nagem ni gur e pilung nu Israel,

1 Samuel 18:18

Me ga’ar David, “I gag mini’, ma mang e birog e tabinaw ni nggu wechma’ ngak e en ni pilung?”

1 Samuel 9:21

Me ga’ar Saul, “I gag be’ ko ganong rok Benjamin ni fare ganong ni ir e th’abi achig u Israel, ma tabinaw rog e th’abi sobut’ ko biney e ganong. Ere mang ni ga be non ngog ni er rogon?”