2 Samuel 7:13 - Bible Ni Thothup

¹³ Bayi toy ba tempel ni fan ngog, ma bay gu gagiyegnag nge par e pi’in ni owchen ngu’ur gagiyeggad ndariy n’umngin nap’an.

2 Samuel 7:13 Σταυροειδείς Αναφορές

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

2 Samuel 22:51

En ni Got e turguy ni nge mang pilung e Got e be gagiyegnag be gel ko to’ogor rok; be dag ngak e en ni ir e turguy ni be par e t’ufeg rok u daken ndabi thil, ni be dag ngak David nge pi’in ni owchen ndariy n’umngin nap’an.

2 Samuel 7:16

Gubin ngiyal’ ni bay um par ni be yib e girdi’ ni owchem, ma bay gu tay e gagiyeg rom ngi i par ndariy n’umngin nap’an. Rogom ni gab pilung ni ga be gagiyeg e dabi m’ay.’”

2 Samuel 7:27

SOMOL ni Gubin ma Rayag Rom, ni gur e Got rok piyu Israel! Bochan e kam gagiyegnag kug nang e pin’ey, ni gag e tapigpig rom, ya kam weliy ngog ni bay um gagiyegnag ngi i par e pi’in owcheg ni yad e bay ur pilunggad, ma aram fan nda gur tamdag ni nggu meybil ngom ni aray rogon.

1 Kings 2:24

I SOMOL e ke teg nri gub mudugil u daken e chiya ntagil’ e pilung rok e chitamag i David; ke tay e tin ni micheg nra rin’ nga tagil’ ma ke pi’ e gagiyeg ko pilung ngog nge ngak e pi’in owcheg. Kug micheg u fithingan SOMOL ni be par nib fos nra yim’ Adonijah ni ka rofen ney!”

1 Kings 2:4

Fa’an ga ra fol me SOMOL e ra tay u tagil’ e thin ni micheg ni fa’ani yog ngog ni pi’in owcheg e bay ur gagiyeg niged yu Israel u n’umngin nap’an ni yad be tiyan’rad ngu’ur folwokgad ko tin keyog ni ngu’un rin’ u polo’ i gum’ircha’rad ngu lanin’rad.

1 Kings 2:45

Machane bayi fal’eg wa’athag, ma bayi tay e gagiyeg rok David ni dariy ban’en nra buch riy ni dariy n’umngin nap’an.”

1 Kings 5:5

SOMOL e micheg ngak e chitamag i David ni ga’ar, ‘Fakam e ir e bay gu turguy nge mang pilung nga tomrem, ma ir e bayi toy ba tempel ni fan ngog.’ Ere ku gu turguy ni nggu toy e re tempel nem ni ngu’un liyor ngak SOMOL ni Got rog riy.

1 Kings 6:12

“Fa’anra um fol ko pi motochiyel rog nge tin kugog ni ngu’um rin’, ma gu ra rin’ ngom e tin gu micheg ngak e chitamam i David.

1 Kings 8:13

Kug toy ba tempel nrib fel’ ni fan ngom, ni bang ni ngam par riy ndariy n’umngin nap’an.”

1 Kings 8:15

Ni ga’ar, “Ngan pining e sorok ngak SOMOL ni Got rok yu Israel! Ke tay nga tagil’ e tin ni micheg ngak e chitamag i David ni fa’ani ga’ar ngak,

1 Kings 8:19

machane gathi gur e ngam toy, ya be’ nib mo’on ni fakam, e ir e nge toy e tempel rog.’

2 Kings 21:4

Me ubing e pi altar rok e pi’in ndar nanged SOMOL u lan fare Tempel, ni aram e gin ni yog SOMOL ni ngu’un liyor riy ngak.

2 Kings 21:7

Me tay fare pow rok fare got ni bpin ni Asherah ngalan fare Tempel, ni aram fa gin ni yog SOMOL ngak David nge Solomon ni fare mo’on ni fak ni ga’ar, “U roy u lan yu Jerusalem u lan e re Tempel ney, e irera’ e gin ni kug mel’eg u lan urngin yang i tafen fa ragag nge l’agruw i ganong nu Israel ni ir e ngu’un liyor mu’un meybil ngog riy.

2 Kings 8:19

machane de fel’ u wan’ SOMOL ni nge gathey yu Judah, ni bochan e ke micheg ngak e tapigpig rok i David ni pi’in owchen e gubin ngiyal’ ni yad e bay u ra gagiyeggad.

1 Kronicles 28:10

Thingar mu nang ni SOMOL e ke mel’egem ni ngam toy e Tempel rok nib thothup. Ere mu ngongliy e chiney ni dab mu sulsul riy nga tomur.”

2 Kronicles 33:4

Me toy e pi altar rok e pi’in ndar nanged Got u lan fare Tempel, ni fa gin keyog SOMOL ni ir e ngu’un liyor ngak riy ni dariy n’umngin nap’an.

2 Kronicles 6:16

Ere chiney SOMOL ni Got nu Israel, mu tay nga tagil’ fa bug nem e thin ni mog ngak e chitamag ni ga ra rin’ nap’an ni lungum ngak e gubin ngiyal’ ma reb e pi’in owchen e bayi gagiyeg ni pilung u Israel, ni fa’anra yad be fol ko Motochiyel rom ni bod ni rin’ David.

BABYOR NI JOB 36:7

Ma yoror rok e pi’in nib mat’aw; ma pi’ mat’awrad ni ngar gagiyeggad ni bod e pilung mu’un ta’farad ni manechibog.

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Psalms 89:21

Gelngig e bay i par rok ni gubin ngiyal’, gelngig e bayi pi’ gelngin nge gel.

Psalms 89:29

Pi’in owchen e gubin ngiyal’ ni yad e bay ur pilunggad; gagiyeg rok e bayi par ndabi m’ay ni bod lanelang ni bay i par.

Psalms 89:4

‘Pi’in ni owchem e bay ur pilunggad ni gubin ngiyal’; gagiyeg ni bay um tay e bay ug ayuwegnem riy ndariy n’umngin nap’an.’”

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Jeremiah 33:17

I Gag SOMOL, e gu micheg ni gubin ngiyal’ ni reb i owchen David e nge mang pilung nu Israel

Ezekiel 37:25

Bay ra pired ko fare nam ni gu pi’ ngak e tapigpig rog i Jakob, ni fare nam ni i par pi chitamangirad ni kakrom riy. Bay ra pired u rom, ma ku er i tay pifakrad nge urngin e pi’in bay yib ni owcherad ni dariy n’umngin nap’an. Ba pilung ni bod e tapigpig rog i David e bay i gagiyeg nagrad ni dariy n’umngin nap’an.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Zekariah 6:13

I ir e cha’ ni bayi toy bayay fare Tempel me yag thawon e pilung ngak, ma bay i gagiyegnag e girdi’ rok. Ma bayi sak’iy ba prist nga charen facha’ ni be gagiyeg, mar maruwelgow u ta’bang u fithik’ e gapas nge ta’reban’.’

Matthew 16:18

Ere be lungug ngom: I gur Peter, ma daken e re war ney e nggu toy e galesiya rog nga daken ni mus ko yam’ ma dabiyag ni nge gel ngay.

Hebrews 3:3

Ra toy be’ ba naun mra yib e girdi’ i tayfan fa’anem; ma gathi fare naun e yira ta’ fan. Ere ku errogon ni Jesus e bay rogon nib gel e tayfan ni ngan tay ngak ko tayfan ni ngan tay ngak Moses.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.