2 Samuel 6:7 - Bible Ni Thothup

⁷ Ka chingiyal’ nem me damumuw SOMOL ni Got ngak Uzzah nge li’ ngem’ ni bochan e dariy madgun SOMOL u wan’, me yim’ Uzzah u rom u to’oben fare Kahol Ko M’ag.

2 Samuel 6:7 Σταυροειδείς Αναφορές

2 Samuel 6:8

Me ri puwan’ David ni bochan e ke damumuw SOMOL ke gechignag Uzzah; ma aram min tunguy Perez Uzzah ko gin’em ma ke par riy ni aram rogon ke mada’ ko bin daba’ e rran.

1 Kronicles 13:10

Ma kangiyal’nem me damumuw SOMOL ngak Uzzah nge thang e fan rok ni bochan e ke math ko fare Kahol. Me yim’ u rom u p’eowchen Got,

1 Kronicles 15:13

Bochan e dammoyed u rom ko yay nsom’on nni fek, me gechig nagmad SOMOL ni Got rodad ya da gu liyorgad ngak nrogon thingar gu rin’ed.”

1 Kronicles 15:2

Ma aram me ga’ar, “Kemus ni pi Levite e yad ra fek fare Kahol ko M’ag, ni bochan e yad e pi’in ke mel’egrad SOMOL ni ngu’ur feked ma yad be pigpig ngak ni manemus.”

Numbers 1:51

Gubin ngiyal’ ni gimed ra deg ni ngam marod, ma pi Levite e yad e ngar piliged nga but’ fare Tent ma ku yad e yad ra n’uf ngalang bayay ko gin ni kam turguyed ni aram e gin ngam pired riy e ngiyal’nem. Ma yug be’ ni nge chugur nga charen fare Tent e yira thang e fan rok.

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

1 Samuel 25:38

Ma ragag e rran nga tomur me pag SOMOL Nabal nge yim’.

1 Samuel 6:19

I SOMOL e thang e pogofan rok medlip i ragag e pumo’on nu Beth Shemesh ni bochan e ranod ra chocho’gad ngalan fare Kahol ko M’ag. Me dolo’loy e girdi’ ni bochan e bo’or e girdi’ ni li’ SOMOL u fithik’rad.