2 Samuel 6:16 - Bible Ni Thothup

¹⁶ Ma nap’an nni fek fare Kahol ko M’ag i yib ngalan binaw u Jerusalem, me changar Mikal u winda, ni be’ ni ppin ni fak Saul, me guy David ni Pilung ni be churu’ ma be og ngalang u fithik’ fare churu’ ni fan ngak Got, me ri dabuy.

2 Samuel 6:16 Σταυροειδείς Αναφορές

2 Samuel 3:14

Miki l’oeg David e pi tamal’og ngak Ishbosheth ni nge lungurad, “Mu fulweg le’engig i Michal ngog. Kug pi’ puluwon ni nggu le’engiy ni ra’ay e biyach u taban dal’ e pi Filistine.”

2 Samuel 5:7

(Machane me kol David fa gin’em ni ka ni yororiy u Zion ni fan ko mael, ma aram mu u nog fithingan ni “Binaw rok David.”)

2 Samuel 6:15

Ma aram miyad fek piyu Israel ni gubin fare Kahol ko M’ag i yan ngar mada’gad nga Jerusalem ni yad be garus ma yad be l tolulnag e felfelan’ ma yad be thoy e yabul.

2 Samuel 6:20

Me sul David nga tabinaw rok nge yan i guy girdi’en e tabinaw rok, me yan Mikal ni be’ ni bpin ni fak Saul nga wuru’ e naun ni nge mada’nag David. Me ga’ar, “En ni pilung nu Israel e ke gilnag buguwan e daba’! Ya ke chuweg madan u daken u p’eowchen e pi’in ni ppin ni tapigpig ko pi tolang ni bay nga tan pa’ ke darifannag ir!”

1 Kronicles 15:29

Nap’an ni yibe fek fare Kahol i yib ngalan fare binaw, me Mikal ni be’ ni bpin ni fak Saul e changar nga wean u winda me guy David ni Pilung ni be churu’ ma be og ngalang ko felfelan’, mri fanenikan daken David.

Psalms 123:3

Mu runguymad, SOMOL, mu runguymad; ya kan changar ngomad nga but’.

Psalms 69:7

Thin nib tagan e yibe yog ngog ni bocham, ma kug mathrow ko tamra’.

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Acts 2:13

Machane yugu boch e girdi’ e ur moninggad ngak fa picha’ nike mich Jesus u wun’rad ni be lungurad, “Picha’ ney e kar balyanggad ko rrum!”

1 Korinth 2:14

Machane cha’ ndariy fare Kan ni Thothup rok e dabiyag ni nge yag ngak e pi tow’ath nma yib rok e Kan ni Thothup rok Got. Ya ri der nang fan, ma thin ko balyang u wan’, ya fan e yira nang ni kemus ni Kan ni Thothup e ra dag.

1 Samuel 18:17

Me ga’ar Saul ngak David, “Ba’aray Merab ni bin ilal e ppin ni fakag. Fa’anra mpar ni gur ba salthaw ni gab falu’ ma gab yul’yul’, ma ga be un ko pi mael rok SOMOL, ma gu ra pi’ ngom ngam leay.” (Ya be leamnag Saul ni aram kanawo’en me li’ e pi Filistine David, me par ni gathi ir e nge rin’.)

1 Samuel 18:20

Machane ri ba’adag Mikal David, ni be’ ni ppin ni fak Saul, ma fa’ani rung’ag Saul me ri felan’ ngay.