2 Samuel 6:13 - Bible Ni Thothup

¹³ Fapi girdi’ ni kar mat’niged fare Kahol ko M’ag e nap’an ni nga nel’ yay ni kar ruf’ed ayrad, me li’ David ba garbaw nge ba saf nib sugsug nge pi’ ngak SOMOL ni maligach.

2 Samuel 6:13 Σταυροειδείς Αναφορές

1 Kings 8:5

Me Solomon ni Pilung nge urngin e girdi’ nu Israel e ra mu’ulunggad nga mit fare Kahol ko M’ag, miyad pi’ e saf nge garbaw ni pumo’on ni pire’ ni maligach ndabiyag i the’eg.

1 Kronicles 15:15

Me fek e Levi fare Kahol ni kar mat’ niged, ni bod ni yog SOMOL ngak Moses.

1 Kronicles 15:2

Ma aram me ga’ar, “Kemus ni pi Levite e yad ra fek fare Kahol ko M’ag, ni bochan e yad e pi’in ke mel’egrad SOMOL ni ngu’ur feked ma yad be pigpig ngak ni manemus.”

2 Kronicles 5:6

Solomon ni Pilung nge gubin e girdi’ nu Israel nra mu’ulunggad nga mit fare Kahol ko M’ag ngar pi’ed e saf nge garbaw ni pire’ ni maligach ndakiyag i the’eg.

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

Numbers 7:9

Machane de pi’ Moses reb e wagon ara reb e garbaw ngak e girdi’ ni owchen Kohath, ni bochan e tin thothup ni yad ma ayweg e ngu’ur feked u daken porad.

Matthew 22:4

Me ere l’oeg yugu boch e tapigpig me ga’ar ngorad, Mogned ngak e pi’in ke taw e pong ngorad ni nge lungumed, ‘Mbad ko madnom, ya ke dum’madil e madnom; garbaw rog nge tin th’abi fel’ i pifak e garbaw rog e kan li’, ma kan fal’eg rogon urngin ban’en kan tay. Ere mbad ko madnom ko mabgol!’

Joshua 3:3

ngak e girdi’ nu Israel ni lungurad, “Nap’an ni gimed ra guy e pi prist ni yad be mat’eg fare Kahol ko M’ag rok SOMOL ni ir e Got romed, ma aram e ngam degdeggad ngam lekedrad.