2 Samuel 6:12 - Bible Ni Thothup

¹² Me rung’ag David ni Pilung nike fal’eg Got rogon girdi’en e tabinaw rok Obed Edom nge urngin e tin bay rok ni bochan fare Kahol ko M’ag; ma aram me yan i fek u na’un rok Obed nge fek i yan nga Jerusalem, ni ba ga’ e madnom ntay ni fan ngay.

2 Samuel 6:12 Σταυροειδείς Αναφορές

2 Samuel 5:7

(Machane me kol David fa gin’em ni ka ni yororiy u Zion ni fan ko mael, ma aram mu u nog fithingan ni “Binaw rok David.”)

1 Kings 8:1

Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

1 Kings 8:3

Nap’an ni mu’ulung urngin e pi tolang, me chibiy e prist fare Kahol ko M’ag

1 Kings 8:4

ngar feked i yan ko fare Tempel. Ma fapi Levite nge prist e ku ra feked fare Tent u p’eowchen SOMOL nge gubin tatalin i yan ko fare Tempel.

1 Kronicles 15:15

Me fek e Levi fare Kahol ni kar mat’ niged, ni bod ni yog SOMOL ngak Moses.

1 Kronicles 15:25

Ma aram me yan David ni Pilung nge pi ga’ nu Israel, nge pi ga’ ko salthaw ko naun rok Obed Edom ni ngar feked fare Kahol ko M’ag, miyad tay ba madnom nib ga’.

1 Kronicles 16:16

fare m’ag ni ngongliy u thilrow Abraham, me mownag ngak Isak.

1 Kronicles 26:4

Obed Edom e ki fal’eg Got wa’athan nge fakay e pagel ni meruk, nni yarmiy fithingirad ni tabab ko en ni nganni’: Shemayah, Jehozabad, Joah, Sakar, Nethanel,

1 Kronicles 26:5

Ammiel, Issakar, nge Peullethai.

2 Kronicles 5:2

Ma aram me pining Solomon gubin e pi’in ma gafaliy epi ganong nge yuke girdi’ nu Israel ngar mu’ulung gad nga Jerusalem, ya ngan fek fare Kahol ko M’ag rok SOMOL u Zion ni fare Binaw rok David ngan tay ngalan fare Tempel.

Matthew 10:42

Mu ted fanmediyan ko re bugithin ney! En nra pi’ ba kap i ran ngak e en nth’abi sobut’ u fithik’ pi gachalpeg ni bochan e ir reb i gachalpeg, e ri yira pi’ puluwon ngak.”