2 Samuel 5:9 - Bible Ni Thothup

⁹ Me par David u lan fa gin’en nni yororiy ni fan ko mael me tunguy fithingan ni Binaw rok David. Me longobiy ko yoror ni fan ko mael, ni mus ko yoror nu Millo nge yib i mada’ ko gin ni bay tafen e pilung riy.

2 Samuel 5:9 Σταυροειδείς Αναφορές

2 Samuel 5:7

(Machane me kol David fa gin’em ni ka ni yororiy u Zion ni fan ko mael, ma aram mu u nog fithingan ni “Binaw rok David.”)

2 Samuel 5:8

Rofen nem e ga’ar David ngak e girdi’ rok, “Gur bay be’ u roy ni fanenikan e pi Jebus ney ni bod rogog? Nikam taw ngabang nrayag ningam thang e pogofan rorad? Ra bay me yan u wol’ e ran ngalang nge og ngak e pi malmit nge pi mugutgut nem ni gafgow.” (Aram tapgin me lunguy, “Pi’in ni malmit nge pi’in ni mugutgut e dabiyag ni ngranod ngalan e naun rok SOMOL.”)

2 Samuel 6:10

Me turguy u wan’ ndab ki fek nga Jerusalem ni binaw rok; me cheal nge fek i yan ko naun rok Obed ni ba Edomite, ni be’ ko binaw nu Gath.

1 Kings 11:27

Ba’aray murung’agen e re togopluw nem. I Solomon e suguy e but’ nga bangi ban’en ni bay ko ngek u Jerusalem me thuthuy e pi rungrung ko fare binaw.

1 Kings 2:10

Me yim’ David min k’eyag u lan fare Binaw rok David.

1 Kings 9:15

Solomon ni Pilung e maruwel ko pi sib ngar toyed fare Tempel nge fare naun ni tafen e pilung, miyad suguy bang e binaw nga ba’ ni ngek ko fare binaw, miyad ngongliy e yaror nge liyeg fare binaw nu Jerusalem. Miki maruwel ngorad ngar ngongliyed bayay fapi binaw nu Hazor, Megiddo, nge Gezer. (

1 Kings 9:24

Me ubung Solomon bang e binaw u ba’ ni ngek fare binaw, nga tomuren nike chuw le’engin ko fare Binaw rok David ke yan ko fare tafen e pilung ni toy Solomon ni tafen re bpin nem ni fak fare pilung nu Egypt.

2 Kings 12:20

Pi tolang ko salthaw rok Joash ni Pilung e ra makathgad nib togopluw ngak, ma l’agruw i yad, ni aram i Jozakar nib mo’on ni fak Shimeath nge Jehozabad nib mo’on ni fak Shomer, e ra thangew e fan rok Joash ko fare naun ntoy nga daken fare gi binaw nni ubung u ba’ ni ngek u Jerusalem, ko fare kanawo’ ni log nga p’ening nga Silla. Joash e ni k’eyag u lan fapi low ni fen e pilung u lan fare Binaw rok David, me yan Amaziah ni fak nga luwan nge mang pilung.

1 Kronicles 11:8

Miki ngongliy fare binaw, ni tabab ko fa gin’en ni kanin’ u ba’ ni ngek ko fare burey, me Joab e ki fulweg e gin kabay ko fare binaw nga rogon.

2 Kronicles 32:5

Me yin’ fare pilung gelngin e yoror ko fare binaw ni ngongliy e yungin ke kireb ko yoror, me toy boch e wulyang ni tagil’ e damit nga daken, me ubung reb e yoror u wuru’. Miki fal’eg e yungin ke kireb ko pi yoror ko mael ni kan toy nga daken fa gi but’ ni kanin’ u ba’ ni ngek e Jerusalem ni kakrom. Miki yog ni ngan ngongliy e sarey nge shield nib yo’or.

Nehemiah 3:15

Shallum nib mo’on ni fak Kolhozeh, ni ir e ma gagiyeg ko binaw nu Mizpah, e ki ubung bayay fare Garog ni Athang’el. Me upunguy fare garog, me ayliy nga tagil’ me tay e pi man’ riy ngay nge fa yuley i dubchey ni lok riy. Ma fare Lipath nu Shelah e ubung e yoror riy nib chugur ko fare milay’ ko pilung, ni yan nge mada’ ko fapi tawo’ ni log ko fare Binaw rok David.

Psalms 122:3

Jerusalem e ba binaw ni ka ni fulweg nga rogon, ma ka ni yaramiy ke yan i aw ni bfel’ ya’an ma ba gamog!

Isaiah 29:1

Altar rok Got, Jerusalem e ke gafgow! Fare binaw ni i par David riy e ke gafgow! Ra yib reb e duw ara l’agruw nge thumur ni bmu’un e pi mur nge madnom riy ngay

Judges 9:20

Ma ra dangay, ma nge yib e nifiy rok Abimelek nge urfiy e pumo’on nu Shekem ngu Bethmillo. Ma nge yib e nifiy rok e pumo’on nu Shekem ngu Bethmillo nge urfiy Abimelek.”

Judges 9:6

Me mu’ulung urngin e pumo’on nu Shekem ngu Bethmillo ngranod ko fare ke gek’iy oak nib tabgul u Shekem, ni aram fa gin nra pilung niged Abimelek riy.