2 Samuel 5:7 - Bible Ni Thothup

⁷ (Machane me kol David fa gin’em ni ka ni yororiy u Zion ni fan ko mael, ma aram mu u nog fithingan ni “Binaw rok David.”)

2 Samuel 5:7 Σταυροειδείς Αναφορές

2 Samuel 5:8

Rofen nem e ga’ar David ngak e girdi’ rok, “Gur bay be’ u roy ni fanenikan e pi Jebus ney ni bod rogog? Nikam taw ngabang nrayag ningam thang e pogofan rorad? Ra bay me yan u wol’ e ran ngalang nge og ngak e pi malmit nge pi mugutgut nem ni gafgow.” (Aram tapgin me lunguy, “Pi’in ni malmit nge pi’in ni mugutgut e dabiyag ni ngranod ngalan e naun rok SOMOL.”)

2 Samuel 5:9

Me par David u lan fa gin’en nni yororiy ni fan ko mael me tunguy fithingan ni Binaw rok David. Me longobiy ko yoror ni fan ko mael, ni mus ko yoror nu Millo nge yib i mada’ ko gin ni bay tafen e pilung riy.

2 Samuel 6:10

Me turguy u wan’ ndab ki fek nga Jerusalem ni binaw rok; me cheal nge fek i yan ko naun rok Obed ni ba Edomite, ni be’ ko binaw nu Gath.

2 Samuel 6:12

Me rung’ag David ni Pilung nike fal’eg Got rogon girdi’en e tabinaw rok Obed Edom nge urngin e tin bay rok ni bochan fare Kahol ko M’ag; ma aram me yan i fek u na’un rok Obed nge fek i yan nga Jerusalem, ni ba ga’ e madnom ntay ni fan ngay.

2 Samuel 6:16

Ma nap’an nni fek fare Kahol ko M’ag i yib ngalan binaw u Jerusalem, me changar Mikal u winda, ni be’ ni ppin ni fak Saul, me guy David ni Pilung ni be churu’ ma be og ngalang u fithik’ fare churu’ ni fan ngak Got, me ri dabuy.

1 Kings 2:10

Me yim’ David min k’eyag u lan fare Binaw rok David.

1 Kings 3:1

Solomon e fal’eg e tha’ u thilrow e pilung nu Egypt ni le’engiy be’ nib pin ni fak. Me yib i tay ngalan fare Binaw rok David nge mada’ ko ngiyal’ ni m’ay i toy e naun rok, nge fare Tempel, nge yoror ko binaw nu Jerusalem.

1 Kings 8:1

Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

1 Kings 9:24

Me ubung Solomon bang e binaw u ba’ ni ngek fare binaw, nga tomuren nike chuw le’engin ko fare Binaw rok David ke yan ko fare tafen e pilung ni toy Solomon ni tafen re bpin nem ni fak fare pilung nu Egypt.

1 Kronicles 11:7

Bochan e yan David i par ngalan fa gin kan yororiy ni fan ko mael, ma aram min tunguy fithingan ni “Binaw rok David”.

2 Kronicles 24:16

Mi ni k’eyag ngalan fapi low ko yam’ rok e pilung u lan e Binaw rok David ni bochan bugwan ko pigpig ni i tay ko girdi’ nu Israel, nge Got, nge fare Tempel.

2 Kronicles 5:2

Ma aram me pining Solomon gubin e pi’in ma gafaliy epi ganong nge yuke girdi’ nu Israel ngar mu’ulung gad nga Jerusalem, ya ngan fek fare Kahol ko M’ag rok SOMOL u Zion ni fare Binaw rok David ngan tay ngalan fare Tempel.

Nehemiah 3:15

Shallum nib mo’on ni fak Kolhozeh, ni ir e ma gagiyeg ko binaw nu Mizpah, e ki ubung bayay fare Garog ni Athang’el. Me upunguy fare garog, me ayliy nga tagil’ me tay e pi man’ riy ngay nge fa yuley i dubchey ni lok riy. Ma fare Lipath nu Shelah e ubung e yoror riy nib chugur ko fare milay’ ko pilung, ni yan nge mada’ ko fapi tawo’ ni log ko fare Binaw rok David.

Psalms 132:13

I SOMOL e ke mel’eg yu Zion; ba’adag ni nge ngongliy e tabinaw rok u rom, ya ga’ar:

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Psalms 48:12

Girdi’en Got, mmarod ngam liyeged yu Zion ngam the’eged e pi wulyang;

Psalms 48:3

I Got e ke dag ni ir e matnag u lan fare binaw ni kan yororiy ni fan ko mael.

Psalms 51:18

Got, mu runguy yu Zion, ngam ayuweg; mu ubung bayay e yoror nib liyeg e binaw nu Jerusalem.

Psalms 87:2

kab t’uf rok e binaw nu Jerusalem ko pi binaw ni bay u Israel.

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 59:20

Me ga’ar SOMOL ngak e girdi’ rok, “Bay gub nga Jerusalem nggu yoror romed mu gu ayweg e pi’aromed nike pi’ keru’ ko denen rok.

Jeremiah 21:13

Jerusalem i gur e kam par ngalang ko pi loway, ni bod ba war nib tolang ngalang u lan bangi tafel’fel’. Machane bay gu cham nib togopluw ngom. Ga be yog ndariy be’ nrayag ni cham ngom fa yag ni thumur rok e pi tamatnag rom nga barba’.

Mikah 4:2

ma bayi lungurad, “Ngdarod nga daken fare burey rok SOMOL, ko Tempel rok fare Got nu Israel. Ir e bayi fil ngodad e tin ba’adag ni ngad rin’ed; mu udarod u daken e yu pa’ i kanawo’ nike duwgiliy. Ya machib rok SOMOL e be yib u Jerusalem; ke par u Zion be non ngak e tirok e girdi’.”

Roma 9:33

ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Revelation 14:1

Me ere fa’an gu sap ma bay fare Fak e Saf nib sak’iy nga daken e burey ni Zion; ni yad ra’ay nge aningeg i ragag nge aningeg i biyu’ e girdi’ ni bay fithingan rorad nge fithingan e Chitamngin ni kan yoloy nga peri’rad.