2 Samuel 5:3 - Bible Ni Thothup

³ Ma aram me yib urngin e pi’in yad be yog e thin rok piyu Israel ngak David nga Hebron. Me ngongliy ba m’ag u thilrad, ni ngongliy u p’eowchen Got, miyad liyef e gapgip nga lolugen ni aram e kar turguyed ni ir e ke mang pilung nu Israel.

2 Samuel 5:3 Σταυροειδείς Αναφορές

2 Samuel 2:4

Me yib e pumo’on nu Judah nga Hebron ngarbad ra gapgep niged David ni nge mang pilung nu Judah. Fa’ani rung’ag David ni girdi’ ko binaw nu Jabesh ni bay u lan e nug nu Gilead e kar k’eyged Saul,

2 Samuel 2:7

Mpired ni gimed ba gel ma dab mu rusgad! Saul ni Pilung romed e ke yim’, ma girdi’ nu Judah e kar gapgep niged gag ni nggu mang pilung rorad.”

2 Samuel 3:21

Me ga’ar Abner ngak David, “Bay gu wan e chiney nggu yagnag ga’ngin yu Israel nga tan e gagiyeg rom. Bay mfel’ u wan’rad ni gur e pilung, ma aram e bayi yag ngom e tin ni um finey mag gagiyegnag ga’ngin fare nam.” Me micheg David ngak Abner ni dabi buch ban’en rok me l’oeg nge yan.

1 Kings 1:34

mu rom e nge gapgepnag Zadok nge Nathan lolugen Solomon riy ni aram e ke mang pilung nu Israel. Mi gimed thoy e yabul ngam tolulgad ni nge lungumed, ‘Solomon ni Pilung e nge par nib n’uw nap’an!’

2 Kings 11:17

Me yog Jehoyada ni prist ngak Joash ni Pilung nge pi girdi’ ni ngar ngongliyed ba m’ag u thilrad nge SOMOL ni ngar pired ni yad pi girdi’en SOMOL; miki ngongliy ba m’ag u thilin fare pilung nge girdi’.

1 Kronicles 11:1

Gubin e girdi’ nu Israel ni go’ ranod ngak David nga Hebron me lungurad ngak, “Gadad ta’ab dowef nge ta’ab racha’.

1 Kronicles 11:3

Ere gubin e pi’in ma yog e thin u Israel marbad nga Hebron ngak David ni Pilung. Me ngongliy ba tha’ nib thothup u thilrad, miyad gapgepnag, me mang pilung nu Israel, nri bod ni micheg SOMOL u daken Samuel.

1 Kronicles 28:4

I SOMOL ni fare Got nu Israel, e ke mel’egeg nge pi’in owcheg ni ngu’ug gagiyeg niged yu Israel ndariy n’umngin nap’an. Ke mel’eg fare ganong rok Judah ni yad e ngu’ur gafaliyed, mu lan yu Judah e ke mel’eg e tabnaw rok e chitamag. Mu lan e re tabnaw nem ni ga’ngin mab felan’ SOMOL ngay ni nge pilung nigeg u daken ga’ngin yu Israel.

2 Kronicles 23:16

I Jehoyada ni prist nge Joash ni Pilung nge fapi girdi’ e ra chagilgad ngak Jehoyada ngar ngongliyed ba m’ag u thilrad ni ngar pired ni yad e girdi’ rok SOMOL.

Nehemiah 9:38

Bochan urngin e pin’en nike buch romad ma gamad e girdi’ nu Israel e kug yoliyed ba m’ag ni nge par, ma pi’in yad ma yog e thin romad, nge pi Levite romad, nge pi prist romad e kar ted e hang rorad ngay.

Exodus 3:16

Mman ngam ulunguy e pi’in yad be yog e thin rok piyu Israel ngamog ngorad ni Gag, fare SOMOL, ni Got rok e pi chitamangirad, ma Got rok Abraham, Isak, nge Jakob, e kug m’ug ngom. Mog ngorad ni kug guy e n’en ni be rin’ piyu Egypt ngorad.

Joshua 10:36

Ma nga tomuren e ren’ey me yan Joshua nge salthaw rok u Eglon ngar farthoggad nga fithik’ e burey nga Hebron, ngar chamgad ngay

Judges 11:11

Ma aram me un Jefthah ngak fapi tayugang’ nu Gilead, me tay fapi girdi’ Jefthah ni ir e ngi i yog e thin rorad me ir e ngi i gafaliyrad. I weliy Jefthah e pi thin rok ney u Mizpah u p’eowchen SOMOL.

1 Samuel 11:15

Ma aram miyad yan nga Gilgal ni yad gubin, mu rom ko fa gin’em nib thothup e rogned riy ni Saul e kemang pilung. Miyad pi’ e pi maligach nma gapaseg thilin Got nge girdi’, me madnomnag Saul nge urngin e girdi’ nu Israel e re bugithin nem.

1 Samuel 16:13

Me fek Samuel fare gapgep ni olive nge gapgepnag David u p’eowchen fapi pumo’on ni walagen. Me yib fare gelngin SOMOL i ying ngak David ngi i gagiyegnag e rofen nem i yan nga m’on. Me sul Samuel nga Ramah.

1 Samuel 23:18

Miyow michmich u mit Got ni ngar pirew ni yow fager. Me par David u Horesh, me yan Jonathan nga tafen.