2 Samuel 5:19 - Bible Ni Thothup

¹⁹ Me fith David ngak SOMOL ni ga’ar, “Bfel’ u wun’um ni gu ra yan gu cham ngak e pi Filistine? Mog, ga ra gagiyegnag ngug gel?” Me ga’ar SOMOL ngak, “Mman, ya bay gu gagiyegnag ngam gel.”

2 Samuel 5:19 Σταυροειδείς Αναφορές

2 Samuel 2:1

Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

2 Samuel 5:23

Miki fith David SOMOL bayay, me fulweg SOMOL ngak ni ga’ar, “Dab mman u roy ngam cham ngorad, machane ngam liyeg ngam man mu og ngorad u keru’rad, ko fa gin nib chugur ko fa yu ke gek’iy ni balsam.

1 Kings 22:6

Me pi’ Ahab e thin nge yan ngak e pi profet ngarbad ni gonap’an yad 400 u gubin, me fith ngorad ni ga’ar, “Nga mogned ngog ko nggu m’ag e mael nga Ramoth fa danga’.” Me lungurad ngak, “Mm’ag e mael ngay, ya ra gel nigem SOMOL ngorad.”

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

James 4:15

Ere ba’aray e n’en ni susun e ir e nga mogned: “Fa’anra mm’agan’ Somol ngay, ma bay da pired ngu’ud rin’ed e tiney nge tinem.”

1 Samuel 22:15

Errogon, gu fith laniyan’ Got ni fan ngak, ni gathi ireram e som’on. Ma makath nib tagopluw ngom, i gur Pilung e thingar dab mu tay e bug nir e thin nga dakenag fa be’ u lan e tabnaw rog. Ya dariy ban’en riy ni gumnang!”

1 Samuel 23:2

Ma aram me fith SOMOL ni ga’ar, “Gu ba’adag ni gu ra yan gu cham ko pi Filistine?” Me fulweg SOMOL ni ga’ar, “Mman mu cham ngorad ngam ayuweg yu Keilah.”

1 Samuel 23:4

Ma aram miki fith David laniyan’ SOMOL bayay, me ga’ar SOMOL ngak, “Mman ngam cham nga Keilah, ya bay gu pi’ e pi Filistine nga pa’am.”

1 Samuel 28:6

ma aram me fith ngak SOMOL e n’en ni nge rin’. Machane de fulweg SOMOL lungun, nde fulweg u malik’ay, ara ni guy ko Urim, ara Thummim, ara u l’ugun e pi profet.