2 Samuel 5:12 - Bible Ni Thothup

¹² Ma aram me nang David u wan’ ni SOMOL e ke turguy ni nge mang pilung nu Israel, ma be gagiyegnag e nam rok David ngi i fel’ rogon ni fan ngak e girdi’ rok Got ni bay riy.

2 Samuel 5:12 Σταυροειδείς Αναφορές

2 Samuel 5:11

Hiram ni Pilung nu Tyre e l’oeg e pi tamal’og ngak David; me pi’ yuley i ren ngak David ni cedar fithingan, nge girdi’en e dimow naun, nge pi’in yad manang rogon i ubung e malang ni yima fanay ko naun ni ngar toyed ba tafen e pilung ngak David.

2 Samuel 5:13

Nap’an ni chuw David u Hebron nge yan i par nga Jerusalem, me kunuy yugu boch e ppin nu Jerusalem ni nge par bochi yad ni ngar manged ppin rok, ma boch i yad e ngar pired ni le’engin, mu kun diyennag boch e pagel nge ppin ni fak.

2 Samuel 7:16

Gubin ngiyal’ ni bay um par ni be yib e girdi’ ni owchem, ma bay gu tay e gagiyeg rom ngi i par ndariy n’umngin nap’an. Rogom ni gab pilung ni ga be gagiyeg e dabi m’ay.’”

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

1 Kronicles 14:2

Ma aram me nang David ni SOMOL e ke tay ni nge mang pilung nu Israel ma be ngongliy gil’ilungun ni nge fel’fel’ rogon ni fan ngak e girdi’ rok.

2 Kronicles 2:11

Me pi’ Hiram ni Pilung e babyor ni fulweg ko thin rok Solomon ni be ga’ar, “Ke tem SOMOL ni gur e pilung rok e tirok e girdi’ ni bochan e yad bt’uf rok.

Ester 4:14

Fa’anra dabmog ban’en ko ngiyal’ney, ma ayuw e ra yib u tharmiy ngak e Jew, ni dabi buch ban’en rorad, machane gur nge chon e tabnaw ko chitamam e go’ ra math owchemed. Mini’ e manang — sana bochan e ngiyal’n’ey nra taw ngay ma aram fan nim mang queen!”

Daniel 2:30

Ren’em nda nnang e yib i dag ngog ni gathi bochan e gub gonop ngak e tin kabay e girdi’, machane bochan e ngam nang i gur pilung, fan e lik’ay rom, ma ga nang fan e pin’en ni um leamnag.

Numbers 24:7

Pire’ e n’uw nra aw ko nam rorad, miyad yung awochngin e woldug rorad ko milay’ nike aw e n’uw ngay. Pilung rorad e ra ga’ buguwan ngak Agag, ma gagiyeg ni ngi i tay e bay i ga’ i yan.