2 Samuel 5:10 - Bible Ni Thothup

¹⁰ Mi i gel i yan, ya SOMOL ni Gubin ma Rayag Rok e bay rok.

2 Samuel 5:10 Σταυροειδείς Αναφορές

Genesis 21:22

Ngiyal’nem me yan Abimelek nike un Fikol ngak ni be’ nib tolang ko salthaw rok, me ga’ar ngak Abraham, “I Got e bay rom ko urngin e tin ga be rin’.

2 Samuel 3:1

Bun’uw nap’an ni i cham e yu raba’ i salthaw nma ayweg e tabnaw rok Saul nge tin nma ayweg David. Nap’an ni be gel David i yan, ma aram e pi’in yad be togopluw ngak e yad be waer i yan.

2 Samuel 7:9

Gubin yang ni um man riy i yan ma gu bay rom, me gag e kug li’ urngin e pi to’ogor rom u fithik’ e mael. Bay gu gagiyeg nigem ngam gilbugwan ni bod e pi’in yad ma yog e thin ni yad e ba ga’ lungrad u fayleng.

2 Samuel 8:14

Me n’uf e pi tent ko salthaw u lan yu Edom, ma girdi’ u rom e ra pired nga tan pa’ David. Me tay SOMOL David ngi i gel u gubin yang.

2 Samuel 8:6

Ma aram me n’uf e pi tent ko salthaw u lan taferad, mar pired u tan pa’ ngu’ur pi’ed e tax ngak. Me tay SOMOL i David ngi i gel u gubin yang.

BABYOR NI JOB 17:9

Pi’in yad ma leamnag ni bfel’ e ngongol rorad e ka ra tared u wan’rad ni yad e ba sororad.

Psalms 24:10

I mini’ e re pilung ni ga’ nem? Fare SOMOL th’abi gel, I ir fare pilung ni ga’!

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Haggai 2:4

Machane chiney e dariy bigmed ni nge mulan’. Mmarwelgad ya gu bay romed.

Luke 2:52

Me ilal Jesus nge ga’, me ga’ e gonop rok, ma bfel’ u wan’ Got nge girdi’.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

1 Samuel 18:12

Me rus Saul ngak David, ya bay SOMOL rok David ma ke chuw rok Saul.

1 Samuel 18:14

ma urngin e tin i ngongliy ma bfel’, ya bay SOMOL rok.

1 Samuel 18:5

Ma gubin yang ni l’oeg Saul i David nge yan ngay ma bfel’ e tin ni rin’ David, ma aram me tay Saul David ni ir reb e tolang ko salthaw rok. Me ri fel’ David u wan’ e pi salthaw rok Saul ngu wan’ urngin e pi tolang ko salthaw rok Saul.