2 Samuel 3:35 - Bible Ni Thothup

³⁵ Polo’ e rran ni i guy fapi girdi’ rogon ni mange yigi kay David ban’en, machane me micheg u fithingan Got ni ga’ar, “Mang e yigi li’eg Got nggum’ ni fa’an gu ra kay ban’en ndawori polo’ e re rran ney!”

2 Samuel 3:35 Σταυροειδείς Αναφορές

2 Samuel 1:12

Miyad par ni kari kireban’rad ma yad be yor, mra pired ndar abichgad nge yan i mada’ ko blayal’ ni bochan Saul nge Jonathan, nge fan ngak yu Israel, ni girdi’ rok SOMOL, ni bochan e pire’ i yad e kan li’ ko re mael nem.

2 Samuel 12:17

Pi’in ntolang ni yad ma par u lan e yoror rok e ranod ngak ngar guyed rogon ni nge suwon, machane dabun, ma ku dabun ni nge un ngorad ko abich.

2 Samuel 3:34

Dan m’ag rifrifen pa’ nruw raba’, ma ku dan m’ag rifrifen ay nruw raba’; Ke yim’ ni bod be’ ni li’ e girdi’ ni kireb!” Miki yornag fapi girdi’ bayay.

2 Samuel 3:36

Mar nanged e ren’ey me fel’ u wan’rad. Rriyul’, gubin ban’en ni rin’ fare pilung mab fel’ u wan’ e girdi’.

2 Samuel 3:9

Ke micheg SOMOL ngak David ni bayi chuweg e gagiyeg ko pilung u pa’ Saul nge pi’in owchen me tay David nge mang pilung nu Israel ngu Judah, ni mus u baley fare nam nge thang nga baley. Ere chiney e mang e yigi li’eg Got nggum’ ni fa’anra dab gu muruwliy ni nge yib i m’ug e re bug i thin ney nib riyul’!”

1 Kronicles 10:12

me yan e pi pumo’on ni falu’ ra feked fapi ldow rok Saul nge fapi pagel ni fak nga Jabesh. Miyad k’eyag nga tan ba ke gek’iy ni oak miyad pag e abich ni medlip e rran.

Jeremiah 16:7

Dariy be’ nra’ un ngak be’ nike yim’ be’ nib t’uf rok ko abich fa garbad ni bochan e nge fal’eg lanyan fa’anem. Mus ngak be’ nike yim’ e chitamngin fa chitiningin ma dariy be’ nra dag e magfan’ rok ngak.

Ezekiel 24:17

Mu yor u lanin’um ma dab mu dag nike kireban’um. Dab mu chuweg e mad u lolgem ara mu luf e sus u em; dab mu upnguy owchem ni nge m’ug nike gafgow lanin’um, ara mu koy ba ggan ni makay e pi’in nma mowaw.”

Ezekiel 24:22

Ma aram e bay um rin’ed e n’en ni kug rin’, dab kum upnguyed lolugmed fa mu ked e ggan nma kay e pi’in nma mowaw.

Judges 20:26

Ma aram me yan gubin e girdi’ nu Israel nga talang nga Bethel ngu’ur yorgad. Miyad par nga but’ u rom u p’eowchen SOMOL ni dar ked ban’en nge blayal’. Miyad pi’ e pi maligach nma gapaseg thilin Got nge girdi’ miyad urfiy boch e gamanman ni maligach ni kab polo’ u p’eowchen SOMOL.

Ruth 1:17

Ma gin ni bay mum’ riy, e bay gum’ riy, me ir e bay ni k’eygeg riy. Mang e yigi pag SOMOL e bin ga’ e gechig ngog ni fa’anra gu pag yugu ban’en nge deregdow ni fa’anra gathi yam’!”

1 Samuel 3:17

Me fith Eli ngak ni ga’ar, “Mang e ke weliy SOMOL ngom? Dab mmithag ban’en rog. Ya fa’anra dabmog ngog urngin e tin ke weliy ngom mra gechig nagem Got nib gel.”