2 Samuel 3:28 - Bible Ni Thothup

²⁸ Nap’an ni rung’ag David e n’en nike buch, me ga’ar, “I Somol e manang ni pi’in nib milfarad ngog nge gag e ri debuch e romad ko pogofan rok Abner ni kan thang.

2 Samuel 3:28 Σταυροειδείς Αναφορές

Genesis 4:10

Me ga’ar SOMOL, “Mang ni kam ngongliy e binir e pa’ ni rib gel e kireb riy? Racha’en walagem e be tolul ngog u fithik’ e but’, ni bod ba lam ni be pong ni ngan fulweg taban e kireb ni kan rin’ ngak.

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

2 Samuel 1:16

me ga’ar David ngak fare Amalekite, “Gur e kam girengiy e biney e pa’ nga dakenam. Gur e mu turguy e n’en ni ngan rin’ ngom nnap’an ni mog ni gur e kam li’ e en ni SOMOL e turguy ni nge mang pilung.”

2 Samuel 16:8

I gur e kam fek e nam rok Saul, mi SOMOL e be gechig nigem ni bochan e pire’ e girdi’ ko tabinaw rok Saul ni kam li’ ke yim’. Ere chiney e ke pi’ SOMOL e nam nu Israel ngak Absalom ni fakam, me gur e ka ni kireb nigem, i gur e re tathang e pogofan nir!”

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

2 Samuel 3:29

Gechig riy e nge aw ngak Joab nge chon e tabnaw rok ni gubin! Lan gubin e mfen ma nge rimbiyo boch e pumo’on u lan e tabnaw rok, fe daraw, fa kemus ni go’ maruwel rok e ppin e rabung ngay, fa yim’ u fithik’ e mael, fa dab i gaman e n’en ni ngi i kay!”

Exodus 21:12

“En nra li’ be’ nib mo’on nge yim’ e ku yira thang e fan rok.

Numbers 35:33

Dab mu ta’ay niged e binaw ni gimed be par riy; ya racha’ e ma ta’aynag e binaw, dabyag i labgiy puluwon e binaw, ni fan e rache’ nni pu’og u daken, kemus ni rachaen fa en ni pu’og e racha’ e ra labgiy.

Matthew 27:24

Ma fa’ani guy Pilate ndakuriy fan ni ngki fithrad ya richey min cham, me fek e ran nge lukuy pa’ ngay u p’eowchen fapi girdi’ ni aram urngirad me ga’ar, “Yam’ ni nge tay e re mo’on ney e dariy bochu’uw murung’agen ngog! Ya gimed e kam dugliyed!”