2 Samuel 3:12 - Bible Ni Thothup

¹² Me l’oeg Abner e pi tamal’og ngranod ngak David, ni bay u Hebron e ngiyal’nem, ni ngar ga’argad ngak, “Mini’ e en ni nge gagiyegnag e re nam ney? Mu ngongliy ba m’ag u thildow, mug ayuwegnem ngam fek yu Israel ni ga’ngin ngar manged nga ba’ rom.”

2 Samuel 3:12 Σταυροειδείς Αναφορές

2 Samuel 19:14

Thin ni yog David e adag urngin e girdi’ nu Judah, miyad pi’ e thin nge yan ngak ni ngar sulod urngin e pi tolang ko salthaw rok.

2 Samuel 19:41

Ma aram e urngin piyu Israel nranod ngak e en ni pilung nge lungurad ngak, “Pi walagmad ni pumo’on nu Judah e mangfan ni kar feked gur romad ke mang yad e kar cheaggad ngom, nge girdi’ ko tabinaw rom, nge salthaw rom kam th’abed e Jordan?”

2 Samuel 19:6

Ma kam togopluw ngak e pi’in gab t’uf rodad ma kam fol ngak e pi’in ndaburad gur. Kam gagiyelnag ni pi tolang ko salthaw rom nge pi salthaw rom e dariy farad u wun’um. Ya kug guy ni fa’an manga de yim’ Absalom e daba’ ma gamad gubin ni kug m’ad ma ri gab felan’ ni ga be par.

2 Samuel 3:11

Ma dakiyag ni yog Ishbosheth ta’ab bug i thin ya kari rus ngak Abner.

2 Samuel 3:13

Me fulweg David ni ga’ar, “Ba manigil! Gu ra ngongliy ba m’ag u thildow ni fa’anra gara rin’ e ren’en ni ba’aray: thingar mu fek fare pin ni fak Saul ni Mikal i yib ngog ko ngiyal’ ni garab mu guyeg.”

2 Samuel 3:21

Me ga’ar Abner ngak David, “Bay gu wan e chiney nggu yagnag ga’ngin yu Israel nga tan e gagiyeg rom. Bay mfel’ u wan’rad ni gur e pilung, ma aram e bayi yag ngom e tin ni um finey mag gagiyegnag ga’ngin fare nam.” Me micheg David ngak Abner ni dabi buch ban’en rok me l’oeg nge yan.

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

2 Samuel 3:38

Me ga’ar fare pilung ngak e pi tolang ko salthaw rok, “Damur nanged ni re rran ney e ke yim’ reb e tayugang’ nrib ga’ u lan yu Israel?

Psalms 62:9

Girdi’ ni gubin e yad bod ba wuchuth i nifeng pi tolang nge pi sobut’ e ta’reb feni dariy rogorad ngabang. Yira thabthabel nagrad, ma dariy malngirad; yad bba’ud nga ba wuchuth i nifeng.