2 Samuel 3:1 - Bible Ni Thothup

¹ Bun’uw nap’an ni i cham e yu raba’ i salthaw nma ayweg e tabnaw rok Saul nge tin nma ayweg David. Nap’an ni be gel David i yan, ma aram e pi’in yad be togopluw ngak e yad be waer i yan.

2 Samuel 3:1 Σταυροειδείς Αναφορές

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

2 Samuel 2:17

Ma aram me tabab ba mael nib gel mirin, me gel e salthaw rok David ngak Abner nge salthaw nu Israel.

2 Samuel 2:28

Ma aram me tabab Joab i thoy fare yabul nib pow ngak e pi salthaw rok ni ngar talgad i tuluf e pi salthaw nu Israel; ma aram me tal fare cham.

2 Samuel 22:44

Kam ayuwegneg u pa’ e girdi’ ko nam rog nra togopluwgad ngog, kam teg ni gag e gu be gagiyegnag e pi nam; girdi’ ni ug par nda gu nang owcherad e gag e gu be gagiyeg nagrad e chiney.

2 Samuel 3:6

Nap’an ni be gel e cham u thilin e pi salthaw rok David nge yu raba’ i salthaw nib fol ko tabnaw rok Saul, ma aram e Abner e be gel gelngin i yan u fithik’ e pi’in yad ma un ngak Saul.

2 Samuel 5:10

Mi i gel i yan, ya SOMOL ni Gubin ma Rayag Rok e bay rok.

1 Kings 14:30

Ma ka aram n’umngin nap’an ni i par Rehoboam nge Jeroboam ni dartal gow ko mael.

1 Kings 15:16

Me Asa ni Pilung nu Judah nge Baasha ni Pilung nu Israel e go’ mael e ra tew u n’umngin nap’an ni ur gagiyeggow.

1 Kings 15:32

Me Asa ni Pilung nu Judah nge Baasha ni Pilung nu Israel e ur mael gow ngorow ni dariy e tal u n’umngin nap’an ni ur gagiyeggow.

1 Kronicles 11:9

David e i gel gelngin i yan, ni bochan SOMOL ni Gubin ma Rayag Rok ni bay rok.

1 Kronicles 3:1

Irera’ e pi’in pagel ni pifak David nni gargelegrad ko ngiyal’ ni bay u Hebron, ba’aray yarmen ni tabab ko en ni nganni’ i yib: Amnon, ni chitiningin e Ahinoam nu Jezreel Daniel, ni chitiningin e Abigail nu Karmel Absalom, ni chitiningin e Maakah, ni be’ ni bpin ni fak i Talmai ni Pilung nu Geshur Adonijah, ni chitiningin e Haggith Shefatiah, ni chitiningin e Abital Ithream, ni chitiningin e Eglah

Ester 6:13

Me weliy ngak le’engin nge gubin fapi fager rok urngin ban’en ke buch rok. Ma aram me ga’ar le’engin ngak nge fapi fager rok ni yad ba gonop, “Irera’ tabolngin ni gimew be thil Mordekai be gel ma ga be me’waer. Ma fa’anra ba Jew, ma ri bayi gel ngom. Dabiyag ni ngam gel ngak.”

Ester 9:4

Go’ nnang u lan gil’ilngun fare pilung ni ngiyal’nem e ke ga’ lungun Mordekai u lan tafen e pilung ma ka be ga’ lungun i yan.

BABYOR NI JOB 17:9

Pi’in yad ma leamnag ni bfel’ e ngongol rorad e ka ra tared u wan’rad ni yad e ba sororad.

BABYOR NI JOB 8:7

Urngin e fla’ab nike thay u pa’am e dabi ta’reb rogon ko n’en nra pi’ Got ngom.

Psalms 18:43

Kam ayuwegneg u pa’ e girdi’ ni tatogopluw, kam teg ni nggu gagiyegnag e pi nam; ni bogni’ ni dagnangrad e kar pired e chiney nga tan pa’ag.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Psalms 84:7

Ra yad be yan ma yad be gel i yan, bay ra guyed fare Got ni ir e th’abi ga’ u fithik’ e pi got u Zion!

Galatia 5:17

Ya n’en nib kireb ni gadad be ar’arnag e be togopluw ko n’en ni ba’adag fare Kan Nthothup, ma n’en ni ba’adag fare Kan Nthothup e be togopluw ko n’en nib kireb ni gadad be ar’arnag, ni aram e yow ba tathil, ni fan e re bugithin ney e dabiyag ni ngam rin’ed e tin ni gimed ba’adag ni ngam rin’ed.

Efesus 6:12

Ya gadad e gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor.

Revelation 6:2

Mu gu sap mu gguy ba os nib wechwech. Ni en ni bay u daken e bay ba gat’ing u pa’, ma kan te’eliyawnag. Me yan nrogon be’ nma gel ko mael ni nge yan ko mael nge gel.