2 Samuel 24:24 - Bible Ni Thothup

²⁴ Machane me fulweg fare pilung, ni ga’ar, “Dangay, gu ra pi’ puluwon ngom. Dab gu pi’ ngak SOMOL ni Got rog e pi maligach ndariy puluwon ni gu pi’.” Me chuw’iy David fa gin yima n’ag keru’ e grain riy nge garbaw nga wugem yang i silber.

2 Samuel 24:24 Σταυροειδείς Αναφορές

Genesis 23:11

“Siro’ mmotoyil; nggu pi’ ngom e gi flang ney ni ga’ngin nge fare yiy ni bay riy. U roy u p’eowchen urngin e girdi’ rog, e nggu pi’ riy ngom, nge yag ni ngam chubgiliy le’engim riy.”

Genesis 23:13

me non ngak Efron ni nge rung’ag gubin e girdi’, “Wenig ma siro’ ngom, mtoyil. Bay gu chuw’iy e re gi flang nem ni ga’ngin. Nge magan’um ngay ngam fek puluwon, ya nggu chubguliy le’engig u rom.”

Genesis 23:16

Me pining Abraham e kefel’ ngay, me thabthabelnag fare math’eg ni fa’an keyog Efron ke rung’ag fapi girdi’ — ni aningeg mir’ay yang e silber, nrogon ko thabthabel ni yima fanay ko falchuway’.

1 Kronicles 21:1

Mo’onyan’ e ba’adag ni nge girengiy e tin ba mo’maw’ nga daken e girdi’ nu Israel, ma aram me k’aring lanyan’ David ni nge matha’eg girdi’.

1 Kronicles 22:1

Ma aram me ga’ar David, “Irera’ e gin bayi par fare Tempel rok SOMOL ni Got riy. Ma irera’ e re altar ni ngi i pi’ e girdi’ nu Israel e maligach ni mo’oruf riy.”

Roma 12:17

Fa’anra rin’ be’ ban’en nib kireb ngomed, ma dab mu sulweged taban ngak nib kireb. Mu guyed rogon ngam rin’ed e tin nma finey urngin e girdi’ ni ir e bfel’.