2 Samuel 24:21 - Bible Ni Thothup

²¹ me fith ni ga’ar, “Gur e en pilung, mangfan ni kamub ngaray?” Me fulweg David, ni ga’ar, “Ngug chuw’iy e gin ni ga ma n’ag keru’ e grain rom riy nggu toy ba altar ni fan ngak SOMOL, nge yag ni tal fare misilpig.”

2 Samuel 24:21 Σταυροειδείς Αναφορές

Genesis 50:10

Fa’anra tawgad ko gin ni yima gunugunuy e grain riy u Atad, ni bay ko ngek ko lul’ ni Jordan, miyad dololoy’ u rom nib n’uw nap’an ni kari kireban’rad, me un Josef ngorad ngar mowaw niged e chitamngin ni medlip e rran.

2 Samuel 24:18

Ma karofen nem me yan Gad ngak David nge ga’ar ngak, “Mman nga talang ko gin ni yima n’ag keru’ e grain rok Araunah riy ngam toy ba altar rok SOMOL.”

2 Samuel 24:20

Me sap Araunah nga pe’ning me guy e en ni pilung nge pi tolang ko salthaw rok ni karbad i yib ngak nga talang. Me pag ir nga daken e but’ u p’eowchen David

2 Samuel 24:3

Machane me fulweg Joab lungun fare pilung, ni ga’ar, “Gur e en Pilung, mang e yigi yo’ornag SOMOL ni Got rom e girdi’ nu Israel ni ra’ay yay ni nge yo’or ko chiney, ma mange yigum par ni gabfos ngam guy ni nge rin’. Machane mangfan i Gur Pilung ni ga ba’adag ni ngan rin’ e bin’ey’?”

1 Kronicles 21:22

Me ga’ar David ngak, “Mu pi’ ngog nchuway’ e re gin’ir ni ga man’ag keru’ e grain rom riy, ya nge yag ni gu toy ba altar riy ni fan ngak SOMOL, nge tal e re misilpig ney. Gu ra pi’ pulwon ngom ni ga’ngin.”

Psalms 106:30

Machane me sak’iy Finehas ngalang nge gechignag e pi’in bbuch e rorad, ma aram me tal fare m’ar.

Numbers 25:8

nge lek dakan fare mo’on nge fare pin nga langgin fare Tent, me pag fare sarey nge kuruf row ni yow l’agruw. Aray e n’en ni rin’ me tal fare misilpig nike gafgownag yu Israel,