2 Samuel 24:2 - Bible Ni Thothup

² Ma aram me yog David ngak Joab, ni ir e cha’ nib ga’ ko fa raba’ i salthaw rok: “Mman ngam un ko pi tolang ko yu raba’ i salthaw rom ngam marod u gubin e ganong nu Israel ni tabab u baley e nam nge mada’ nga baley, ngan the’eg e girdi’ riy. Gu ba’adag ni nggu nang urngirad.”

2 Samuel 24:2 Σταυροειδείς Αναφορές

Genesis 21:14

Ri kakadbul u reb e rran riy me pi’ Abraham boch e ggan ngak Hagar nge ba tafen e ran nike suguy ko ran. Me tay fare tir nga daken keru’ Hagar me yog ngorow ni ngranow. Me chuw Hagar u rom mi i yan u daken e ted u Beer-sheba.

2 Samuel 17:11

Tin kug leamnag e ngam kunuy urngin piyu Israel nga ta’bang u baley e nam nge mada’ nga baley, ni yad bod urngin e yan’ u dap’el’ay, me mang gur e mu fekrad ngam marod ko mael.

2 Samuel 2:13

Me Joab, ni chitinngin e Zeruyah, nge pi tolang ko salthaw rok David e ra mada’ niged e picha’nem nga charen bangi ran, miyad par u rom nga but’ ni yad gubin, reb e ulung nga barba’ fa gi ran ma reb nga barba’.

2 Samuel 20:23

I Joab e i gafaliy fare raba’ i salthaw nu Israel; me Benaiah nib mo’on ni fak Jehoyada e ir e tagafaliy e pi salthaw ni yad ma matnagiy David;

2 Samuel 24:15

Ma aram me pag SOMOL ba misilpig nga daken yu Israel, ni tabab ko kadbul nge mada’ ko ngiyal’ ni duwgiliy. I mus u baley fare nam nu Israel nge mada’ nga baley ma medlip i ragag e bbiyu’ e girdi’ ni yim’ riy.

2 Samuel 8:16

I Joab ni chitinngin e Zeruyah, e ir e tolang ko salthaw; me Jehoshafat nib mo’on ni fak Ahilud e ir e ba milfan babyoren urngin ban’en ngak;

1 Kronicles 21:2

Me yog David ngak Joab nge ku boch e tolang ni ga’ar, “Mmarod u balay yu Israel nga balay ngam the’eged e girdi’. Gu ba’adag ni nggu nang urngin e girdi’.”

2 Kronicles 32:31

ma ku nap’an ni yib e pi’in owchen yu Babylon nga reb e nam ni yad be fith murung’agen e pin’en nike ngongliy u lan fare nam, me pag Got i Hezekiah nge rin’ e tin ni ba’adag ni fan e be sikengnag ngonglen.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Jeremiah 17:5

SOMOL e ga’ar, “Bay gu gechignag e en nra pi’ keru’ ngog kemang girdi’ e ke tay e pagan’ rok nga daken, ni gelngin e girdi’ nra yim’ e bay rok.

2 Korinth 12:7

Machane bochan e ngan tiyeg ndab gu ufanthin ni bochan e pin’en ni bfel’ nem ni kug guy, ma aram mi ni pi’ ba liliy ngog nib gel e amith riy, ni yib ni susun e mol’og rok mo’onyan’ ni nge pirdi’iyeg ya nge dab gu uf.

Judges 20:1

Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.