2 Samuel 24:14 - Bible Ni Thothup

¹⁴ Me ga’ar David, “Kug aw ngabang nike math e liyab ngog! Machane dabug ni girdi’ e nge gechig nageg. Nge mang SOMOL e nge gechig nagdad, ya ir e ba marnguy.”

2 Samuel 24:14 Σταυροειδείς Αναφορές

2 Samuel 9:8

Me siro’ Mefiboseth bayay me ga’ar, “Ta’reb rogomow ba pilis nib yam’! Ere mang ni ngam t’ufegeg ni er gelngin?”

2 Kings 6:15

Ma ri kab kadbul me od e tapigpig rok Elisa nge yan nga wean, me guy nike longobiy e salthaw nu Syria e binaw ni bay e os nge chariot riy. Me sul fare tapigpig ngak Elisa me ga’ar, “Masta, kad gafgowgad, mang e ngad rin’ed?”

1 Kronicles 21:13

Me fulweg David lungun Gad ni ga’ar, “Kug aw nga bang nrib gel e gafgow riy! Machane dabug ni girdi’ e nge gechig nigeg. Mu pag nge mang SOMOL e gechig nigeg, ya ir e bmurunguy.”

Psalms 119:156

Machane runguy rom, SOMOL, e rib ga’; mu dag e kirban’ rom ngam aywegeg!

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Psalms 130:7

Israel, mu pagan’um ngak SOMOL, ni bochan e t’ufeg rok e dabimus, gubin ngiyal’ ni yugu be par ni ba’adag ni nge mat’aw nigem ngak.

Psalms 145:9

Bfel’ e tin ma rin’ ngak urngin e girdi’, mma runguy urngin e tin ke sunumeg.

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Proverbs 12:10

Girdi’ nib mat’aw e ma chothowliy e gamanman rok, ma pi’in kireb e yad ma gafgownag e tirorad e gamanman.

Isaiah 47:6

Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Jeremiah 39:17

Machane I Gag SOMOL e bay gu yororiyem, nga dab ni pi’em ngak fapi girdi’ ni gab marus ngorad.

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Daniel 9:9

I gur e ga ma runguy e girdi’ ma ga ma n’ag fan u wun’um e kireb rok e girdi’, yug aram rogon ni u gu togopluwgad ngom.

Jonah 4:2

Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.

Mikah 7:19

Bay mu runguymad bayay. Ma bay mot’mot’ nga but’ e pi denen romad, ma ga pi’ nge yan nga t’ay e rigur!

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.

John 12:27

“Chiney e ke magaf lanin’ug — susun e mang e nggog? Gur nge lungug, ‘Chitamag, dab mpag e re awa ney nge yib ngog’? Machane aray fag ni ku gub, bochan e nggu mada’nag e gafgow ni bay u lan e re awa ney.

Filippi 1:23

Ya kug me’echthal u thilin, ya ri gub adag ni nggu chuw ko biney e tamilang nggu wan ngak Kristus, ni ir e ri kab gel e fel’ riy;

1 Samuel 13:6

Piyu Israel e ncham ngorad nib elmerin, ngar pired ni kar magawon gad. Boch i yad e ur mithgad u lan e pi yiy nge low, ngu fon e war i yan, ngu thilthilin e yungi war ngu lan e pi luwed;