2 Samuel 23:19 - Bible Ni Thothup

¹⁹ Abishai e th’abi gilbugwan u fithik’ “Fare Guyey”; me par ni ir e i gafaliyrad, machane ir e de bod fini gilburwan “Fare Dalip.”

2 Samuel 23:19 Σταυροειδείς Αναφορές

2 Samuel 23:13

Ke chugur ni nge tabab e ngiyal’ ni yima t’ar wom’ngin e woldug riy ma dalip ko “Fare Guyey” e yan nga pe’ning ko yiy rok Adullam, ko gin ni immoy David riy, ma ngiyal’nem e bay ba ulung i Filistine ni yad be par u lan e Loway nu Refaim.

2 Samuel 23:16

Ma fa dalip i salthaw nib gilbuguwanrad e rcham niged wo’rad nga wuru e gin be par e pi Filistine riy, ngar l’inged boch e ran ko fare luwed, ngar sulweged ngak David. Machane de unum David; ya n’en ni rin’ ngay e pu’og nga but’ nib maligach ngak SOMOL

2 Samuel 23:18

Abishai e be’ nib pumo’on ni walagen Joab (ni Zeruyah e chitinngirow) e ir e ga’ rok “Fare Guyey i Gilbugwan.” Ya Abishai e cham ko sarey rok ngak dalip mir’ay e salthaw nge thang e pogofan rorad, ma aram me gilbugwan u fithik’ “Fare Guyey.”

2 Samuel 23:20

Me Benayah nib mo’on ni fak Jehoyada nu Kabzeel e ku reb e salthaw ni kub gilbugwan; bo’or bogi ngongol ko m’uthan’ ni i rin’, nib mu’un l’agruw i girdi’en e mael nu Moab ngay nri yow ba cheag niki thang e fan rorow. Miki bayay me yan ngalan ba low nib to’ar u reb e rran ni be aw e ayis nge thang e fan rok ba lion.

2 Samuel 23:9

En migid ko fa dalip i girdi’ nib gilbugwan e Eleazar ni be nib mo’on ni fak Dodo, ni be’ ko fare ke girdi’ rok Ahoh. Reb e rran me ir nge David e ra chamgow ngak e pi Filistine ni kar mu’ulunggad ni ngan mael. Me sul piyu Israel riy nga tomur,

1 Kronicles 11:25

I ir e th’abi cheag u fithik’ “Fa Guyey,” machane de gilbugwan ni bod “Fa Dalip.” Me tay David ni ir e ba ga’ ko pi matnag rok.

Matthew 13:23

Ma awochngin e woldug ni wear nga daken e but’ ni yong’ol e be yip’ fan e pi’in nrung’aged e thin rok Got miyad nang fan: miyad k’uf, ni boch i yad e man e ra’ay wom’ngin, ma boch i yad e nel’ i ragag, ma boch i yad e guyey.”

Matthew 13:8

Ma boch fapi awoch e wear nga daken e but’ nib yong’ol, me tugul nge k’uf: ni yu kaen e ra’ay wom’ngin, ma yu kaen e nel’ i ragag, ma yu kaen e guyey.”

1 Korinth 15:41

Yal’ e bay e birok’ e gamog, ma pul e yugub reb e birok’ e gamog, ma t’uf e yugub reb e tirorad e gamog; ma ku errogon e t’uf nra reb ma ba thil e birok’ e gamog.