2 Samuel 22:44 - Bible Ni Thothup

⁴⁴ Kam ayuwegneg u pa’ e girdi’ ko nam rog nra togopluwgad ngog, kam teg ni gag e gu be gagiyegnag e pi nam; girdi’ ni ug par nda gu nang owcherad e gag e gu be gagiyeg nagrad e chiney.

2 Samuel 22:44 Σταυροειδείς Αναφορές

2 Samuel 19:14

Thin ni yog David e adag urngin e girdi’ nu Judah, miyad pi’ e thin nge yan ngak ni ngar sulod urngin e pi tolang ko salthaw rok.

2 Samuel 19:9

Ma gubin yang u daken e nam nu Israel ni be tugthin e girdi’ riy ni be lungurad, “I David ni Pilung e chuwegdad u tan pa’ e pi to’ogor rodad. I ayuwegdad rok e pi Filistine, machane chiney e ke mil rok Absalom ke chuw ko binaw.

2 Samuel 20:22

Ma aram me yan fare pin ko girdi’ ko fare binaw nike turguy u wan’ e n’en ni ngan rin’, miyad th’ab lolugen Sheba ngar yin’ed u daken e yoror ngak Joab. Me thoy Joab e yabul ni pow ni nge chuw e salthaw rok ko fare binaw, mar sulod nga taferad. Me sul Joab nga Jerusalem ngak fare pilung.

2 Samuel 3:1

Bun’uw nap’an ni i cham e yu raba’ i salthaw nma ayweg e tabnaw rok Saul nge tin nma ayweg David. Nap’an ni be gel David i yan, ma aram e pi’in yad be togopluw ngak e yad be waer i yan.

2 Samuel 5:1

Me yib urngin e pi ganong nu Israel ngak David u Hebron me lungurad ngak, “Gamad e girdi’ ko nam rom.

Psalms 110:6

Bayi gechignag e pi nam, ma bayi suguy tagil’ e mael ko lldow; bayi gel ko gubin e pilung u ga’ngin e fayleng.

Psalms 18:43

Kam ayuwegneg u pa’ e girdi’ ni tatogopluw, kam teg ni nggu gagiyegnag e pi nam; ni bogni’ ni dagnangrad e kar pired e chiney nga tan pa’ag.

Psalms 2:8

Mu ning ngog, mu gu pi’ urngin e nam ngom; ma re fayleng ney ni polo’ e bayi mil suwon ngom.

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.

Isaiah 55:5

Bay mu pininged yugu boch e nam ni ngarbad; bay ba ngiyal’ ni ur pired ndar nanged gimed, machane chiney e bay ra milgad i yib ni ngar cheaggad ngomed! I Gag SOMOL ni Got romed, ni fare Got nib thothup nu Israel e bay gu gagiyegnag urngin e pin’ey nge yodoroy; bay gu gagiyeg nagmed ngu’un tay famed me gilbuguwmed.”

Isaiah 60:12

Ma pi nam ndab ur pigpiggad ngom E bay ni thirifrad u but’.

Isaiah 65:1

I SOMOL e ga’ar, “Ug par ni nggu fulweg taban e meybil rok e girdi’ rog, machane dar meybilgad. Ug par ni ngar pir’eged gag, machane dar gayed gag. Girdi’en e nam rorad e dar meybilgad ngog, ni yugu aram rogon ni ug par ni nggu fulweg taban e meybil rorad ni nge lungug, ‘Gub aray; nggu ayuwegmed.’

Daniel 7:14

Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Hosea 2:23

Ma bay gu tay e tirog e girdi’ u daken e nam rorad ngu’ur pired ni kefel’ rogorad. Ma bay gu dag e t’ufeg ko fa pi’ nem ntunguy “Det’uf” ngorad, ma bay gog ngak fa pin’em ntunguy “Gathigidi’eg” ngorad, ni bayi lungug ngorad, “Gimed e girdi’ rog,” ma bay ra fulweged ni lungurad, “I gur e Got romad.”

Roma 15:12

Miki ga’ar Isaiah, “Be’ ni owchen Jesse e bay yib; ma bayi sak’iy nge mang ir e i gagiyegnag e pi’in gathi yad piyu Israel, ma bayi mang ir e l’agan’rad ngak.”

Roma 9:25

Ya ba’aray e n’en ni be yog u lan e babyor nib thothup ko Hosea ni be ga’ar: “Pi’in gathi girdi’ rog e bay gu piningrad ni yad e Girdi’ Rog, ma re nam nda i t’uf rog, e bay gu pining nike T’uf Rog.

Deuteronomy 28:13

I SOMOL ni Got romed e bayi tay e nam romed ngi i gagiyegnag e pi nam ma gathi pi nam e ngu’ur gagiyeg niged gimed; gubin ngiyal’ ma bay um pired ni bfel’ rogomed ma dariy bi’id ni nge kireb rogomed ni fa’an gimed ra yul’yul’ ngu’um folgad u gubin e tin keyog SOMOL ni gu be yog ngomed e daba’.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”