2 Samuel 22:34 - Bible Ni Thothup

³⁴ Ma gagiyegnag e rifrif u eg nggu wan gu tay nib mudugil ni bod e rifrif u ay ba gamanman ni dir; ma gagiyegnag nge dabi buch ban’en rog u daken e pi burey.

2 Samuel 22:34 Σταυροειδείς Αναφορές

2 Samuel 2:18

Ma fa dalip i pumo’on ni fak Zeruyah e urmed u rom: Joab, Abishai, nge Asahel. I Asahel e ra mil ma bod payngin ba deer nib malboch,

2 Samuel 23:1

I David nib mo’on ni fak Jesse e ireram fare mo’on ni Got e gagiyegnag nge yan i par nib gilbuguwan, ma fare Got rok Jakob e ir e turguy David ni nge mang pilung, me ir e i tunguy fapi tang rok piyu Israel. Ba’aray e tin tomur e thin ni yog David ni ga’ar:

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.

Isaiah 58:14

ma aram e gimed ra pir’eg e felfelan’ nma yib ko pigpig ni yima tay ngog. Ma gu ra gagiyeg nagmed ngu’un tay famed u gubin yang u fayleng; me fel’ rogomed ko re nam ni gu pi’ ngak e ga’ romed i Jakob. I Gag SOMOL e kugog e pi thin ney.”

Habakkuk 3:19

I SOMOL ni Th’abi Tolang e ma pi’ gelngig. Ir e ma machregnag tungun eg ni bod ba gamanman ni deer, me teg ni dabi buch ban’en rog u daken e pi burey.

Deuteronomy 32:13

“I pagrad ngu’ur gagiyeg niged e yungin th’abi tolang, mu ur ked e pin’en ni be tugul u daken e pi flang, ur pir’eged e honey ni bay u thilthilin e war; ma yu ke olive rorad e i tugul ni bfel’ rogon ko but’ ni pire’ e malang riy.

Deuteronomy 33:25

Ma mab ko pi garog ko pi binaw rok e ngi i par ni wasey, mi i par ndabi buch ban’en rok.”