2 Samuel 22:3 - Bible Ni Thothup

³ Got rog e ir e manaf rog, gu be par rok ndabi buch ban’en rog; ma yoror rog ni bod bangi shield nma fek e salthaw ngu’ur mithgad nga fon ko mael; ma par rog ndabi buch ban’en rog. Ir e ma ayuweg e pogofan rog; ma ayuwegneg ko ngiyal’ nike yib e cham ngog.

2 Samuel 22:3 Σταυροειδείς Αναφορές

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

2 Samuel 22:31

Re Got ney e rib yal’uw e ngongol rok, thin rok e rayag ni ngan toer ngay ya der ma thil! Ir e bod bang i shield nma pilig e salthaw e pi talin e cham ngay, be par ni aray rogon u puluwon urngin e pi’in yad ma mil ngak ni nge yoror rorad.

2 Samuel 22:47

I SOMOL e be par nib fos! Nga ni pining e sorok ngak e en ni be yoror rog! Got e be’ nib gel ni be ayuweg e pogofan rog! Nga ni weliy ngak e girdi’ feni sorok!

2 Samuel 22:49

ma chuwegneg u pa’ e pi to’ogor rog. SOMOL, i gur e ga ma gagiyeg nigeg ngug gel ngak e pi to’ogor rog, ma ga ma yororiyeg rok e pi’in yad ma cham ngog.

2 Samuel 22:51

En ni Got e turguy ni nge mang pilung e Got e be gagiyegnag be gel ko to’ogor rok; be dag ngak e en ni ir e turguy ni be par e t’ufeg rok u daken ndabi thil, ni be dag ngak David nge pi’in ni owchen ndariy n’umngin nap’an.

2 Samuel 23:3

Fare Got nu Israel e ke non, en nma yoror rok piyu Israel e ke ga’ar ngog: “Re pilung nma gagiyeg nib yal’uw e ngongol rok, mma gagiyeg ni bay madgun Got u wan’

Psalms 14:6

Girdi’ ni kireb e yad ma gathay e puruy’ rok e pi’in gafgow, machane SOMOL e ir e yoror rorad.

Psalms 140:1

SOMOL, mu ayuwegneg u pa’ e girdi’ nib kireb; mu ayuwegneg rok e pi’in yad ma’ngach ko cham.

Psalms 140:11

Mang e yigi dabi fel’ e tin be leamnag e pi’in yad ma t’ar e thin nga daken e girdi’; mang e yigi buch wa’athan e girdi’ nib ma’ngach ko cham nge math owcharad.

Psalms 140:4

SOMOL, mu matanagiyeg rok e pi’in kireb; mu ayuwegneg u pa’ e pi’in ma’ngach ko cham ni yad be t’ar liyaben ni nggu thay.

Psalms 142:4

Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

Psalms 144:2

Ir e ma yororiyeg mma rungrung rog, manaf rog nge ta’ayuw rog, ir e ma pagan’ug ngak ni dabi buch ban’en rog. Ma tay e pi nam nga tan pa’ag nggu gagiyeg nagrad.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 27:5

Ra taw e oloboch ngog ma ir e manaf rog; me teg u lan e Tempel rok ni dabi buch ban’en rog, me teg nga daken ba war nib tolang ko gin ndariy ban’en nra buch rog riy.

Psalms 28:7

SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.

Psalms 3:3

Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

Psalms 32:7

I gur e gu ma mith nga fom; bay mu chuwegneg u fithik’ e oloboch. Gu be tangnag ni ba ga’ lamag rogon ni ga ma ayuwegney, ni bochan e gur e ka mu yororiyeg.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 46:2

Fa’anra rur e fayleng me muchubu’ e pi burey nga t’ay e rigur, ma dab da tamdaggad;

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 5:12

SOMOL, ga ma fal’eg wa’athan e pi’in yad ma fol rom; t’ufeg rom e ma yaroriyrad ni bod e shield.

Psalms 55:9

A Somol, mu balyangnag e welthin ko pi to’ogor rog! Gu be guy e cham nge wagagay u lan e binaw,

Psalms 59:16

Machane, bay gu tangnag murung’agen gelngim; gubin e kadbul ma bay gu tangnag ngalang fare t’ufeg rom ni dabimus. Ya gur e kam par ni rungrung rog, ma manaf rog ko ngiyal’ nike yib e gafgow ngog.

Psalms 61:3

ya gur e manaf rog, ma yoror rog nib gel ngak e pi to’ogor rog.

Psalms 71:7

Yafos rog e ke mang ba machib ko yo’or, bochan ni gur e rungrung ngog nib gel.

Psalms 72:14

Ma chuwegrad u fithik’ e gafgow nge cham, pogofan rorad e ri ba ga’ fan u wan’.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Psalms 84:9

A Got, mu ayuweg e pilung romad, ni fare pilung ni gur e mturguy ni nge pilung!

Psalms 86:14

A Got, girdi’ ni tolngan’ e karbad ni togopluw ngog; ma barba’ i girdi’ ni kireb e yad be guy rogon ni ngar thanged e pogofan rog, ni girdi’ ni dariyfam u wan’rad.

Psalms 9:10

SOMOL, pi’in yad manangem e ra pagan’rad ngom; cha’ nra yib ngom e ri dab mu n’ag.

Psalms 9:9

SOMOL e manaf rok e pi’in yibe gafgow nagrad, ni aram gil’ e ayuw ko ngal’an e gafgow.

Exodus 15:2

I SOMOL e ir e yoror rog nib gel; Ir fa’anem nike ayuwegneg ni de buch ban’en rog. Ir e Got rog, ma bay u gog e sorok ngak, ma ir e Got rok e chitamag, bay gu tangnag feni gel gelngin.

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Proverbs 30:5

“I Got e der ma thilyeg e tin ke micheg. Ir e bod rogon bangi shield ngak urngin e pi’in yad ma gaweg e ayuw rok.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 16:9

Mmotoyil ko mang e nggu weliy, I Gag fare SOMOL ni Gubin ma Rayag Rok, ni fare Got nu Israel. Bay ggapaseg lungun e uf uf nge felfelan’ ko madnom ko mabgol. Girdi’ u roy e yad ra par ni yad bafos ngar guyed e ran’ey ni nge yodro’.

Luke 1:47

ke felan’ug ni bochan Got ni Tabiyul rog.

Luke 1:69

Ya ke pi’ be’ ke yib nib gel gelngin nrayag rok ni nge thapegdad ngak Got, ni be’ ni ir reb i owchen David ni tapigpig rok.

Luke 1:71

I yog ni bayi chuwegdad u pa’ e pi to’ogor rodad, ngu gelngin e pi’in nib fananikaydad.

Deuteronomy 32:37

Ma aram e bayi fith SOMOL ngak e tirok e girdi’ ni nge ga’ar, ‘Bu uw fapi got ni i pagan’med ngorad?

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Deuteronomy 33:29

Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.

Titus 3:4

Ma fa’ani m’ug e runguy nge t’ufeg rok Got ni ir e ma thapegdad ngak Got,

Titus 3:6

Ya Got e ke pi’ fare Kan Nthothup rok ngodad ke pag e fol riy, nike pi’ ngodad u daken Jesus Kristus ni ir e ma thapegdad ngak Got,

Hebrews 2:13

Miki ga’ar, “I Got e ir e bay ug par nike pagan’ug ngak.” Miki ga’ar, “Gub aray rok fapi bitir ni Got e ke pi’rad ngog.”

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.