2 Samuel 21:6 - Bible Ni Thothup

⁶ Ere mu pi’ medlip e pumo’on ni owchen Saul ngomad, nggu uchuliyed yad u mit SOMOL u Gibeah, ni fare binaw rok Saul, ni SOMOL e mel’eg ni nge pilung.” Me fulweg fare pilung, ni ga’ar, “Bay gu pi’rad ngomed.”

2 Samuel 21:6 Σταυροειδείς Αναφορές

Genesis 40:19

Ka dalip e rran ma aram e bayi chuwegem Farao u roy u kalbus me yog ngan th’ab k’angam. Me tiningem nga ba ley i gek’iy ma aram e bay yib e arche’ i longuy e ufin u dowam.”

Genesis 40:22

me yog ni ngan tining fa’anem ni pilungen e lum flowa ngalang. Me yan i aw nga rogon ni weliy Josef fan e lik’ay rorow.

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

2 Samuel 18:10

Me changar reb e salthaw rok David me guy Absalom, me yog ngak Joab ni ga’ar, “Kug guy Absalom nike tagafgaf u pa’ngin ba ke gek’iy ni oak!”

2 Samuel 19:28

Ya urngin girdi’en e tabinaw rok e chitamag e ba’ tapgin ni ngam li’rad ngarm’ad, machane gur e mpi’ mat’awug ni ngu’ug un ngom ko abich u tebel rom. Dariy mat’wug ni ngku gu wenignag ban’en ngom ni ngam rin’ ngog.”

1 Kronicles 12:3

Picha’ ney e go’ yad bay u tan lungun i Ahiezer nge Joash, gali mo’on ney e fak Shemaah nu Gebeah. Ba’aray e pi salthaw: Jeziel nge Pelet, gali mo’on ney e fak Azmaveth Berakah nge Jehu nu Anathoth Ishmayah nu Bibeon, ba salthaw nib gilbugwan ma ir reb e tolang ko “Fare Guyey” Jeremiah, Jahaziel, Johannan, nge Jozabad, nu Gederah Eluzai, Jerimoth, Bealiah, Shemariah, nge Shefatiah, nu Harif Elkanah, Isshiah, Azarel, Joezer, nge Jashobeam, ko fare ke girdi’ rok Korah Joelah nge Zebadiah, gali mo’on ney e fak Jeroham nu Gedor

Ezra 6:11

Ma ku ba’aray bbugithin: fa’anra dabi fol be’ ko re bugithin ney, ma ngan luf reb e ren ko naun rok ngan uthum ngan rugoy ngak nge yan i for nga baraba’ i dow. Min buthug e naun rok.

Matthew 27:5

Me yin’ Judas fapi salpiy ni wasey nga but’ u lan e Tempel me pagrad; ma aram me yan nge yan i og nga opol.

Acts 13:21

Ma fa’anra weniggad ngak Got ni nge pi’ ba pilung ngorad, me pi’ Got Saul ngorad, ni be’ nib mo’on ni fak Kish, ni yib ko ganong rok Benjamin, me par ni ir e pilung rorad ni aningeg i ragag e duw nap’an.

Deuteronomy 21:22

“Fa’anra kan li’ be’ nib mo’on ke yim’ ni bochan e ke th’ab e motochiyel, ma kan tining ngalang ngab ley i ren,

Joshua 10:26

Ma aram me li’ Joshua fapi pilung ngarm’ad me tiningrad nga l’ugun lal ke gek’iy, ni aram e gin i par e pi yam’ nem riy nge blayal’.

Joshua 8:29

Me uchiliy Joshua fare pilung nu Ai u ran’ bake gak’iy me pag u rom nge blayal’. Ma nap’an ni aw e yal’ me pi’ Joshua e thin ni ngan chuweg fare yam’ u rom, mi nin’ nga but’ nga langan e garog ko wub nga langgin fare binaw. Miyad tharey nga bo’lung i malang nge burey ngalang, ni kaba’ u rom ke mada’ ko daba’.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

1 Samuel 10:24

Me ga’ar Samuel ngak e girdi’, “Ba’aray fare mo’on ni SOMOL e ke duwgiliy! Dariy be’ u fithik’dad ni bod ir.” Ma urngin e girdi’ nra tolulgad ni be lungurad, “Nge n’uw nap’an ni par e en pilung!”

1 Samuel 10:26

Ma ku er rogon Saul ni sul nga tafen nga Gibeah nike un boch e pumo’on ngak nib gel, ni Got e ke mithmitheg lanin’rad.

1 Samuel 11:4

Me taw fapi mol’og nga Gibeah ko gin be par Saul riy, ma nap’an nra weliyed e thin ni kanog ngorad ni ngrogned, me yor e girdi’ nib gel.

1 Samuel 24:21

Machane ngam micheg ngog u fithingan SOMOL ndab mu thang owchen e pi’in owcheg, nge par fithingag nge fithingan e tabinaw rog ndab ni pag talin.”

1 Samuel 24:22

Me micheg David ngak nra rin’ ni aram rogon. Ma aram me sul Saul nga tabinaw rok, me sul David nge salthaw rok ko gin yad be mith riy.