2 Samuel 21:3 - Bible Ni Thothup

³ Ma aram me kunuy David e girdi’ nu Gibeon nge ga’ar ngorad, “Mang e rayag ni gu rin’ ni fan ngomed? Gub adag ni nggu fulweg labgen e kireb ni kan rin’ ngomed, ya ngam yibliyed e fel’ wa’athan nga daken e girdi’ rok SOMOL.”

2 Samuel 21:3 Σταυροειδείς Αναφορές

2 Samuel 20:19

Re binaw romad ney e rib manigil, reb e tin nth’abi gapas mab yul’yul’ u lan yu Israel. Ere mangfan ni ga beguy rogon ni ngam gathay? Mog, gab adag ni ngam kirebnag ban’en nib milfan ngak SOMOL?”

Exodus 32:30

Me reb e rran riy me ga’ar Moses ngak piyu Israel, “Kam ngongliyed reb e denen nrib gel e kireb riy. Machane bay gu wan e chiney nga daken e burey ngak SOMOL; ya sana gu ra wenig ngak me n’agfan u wan’ e denen ni kam ngongliyed.”

Levitikus 1:4

Facha’ e nge tay pa’ nga daken lolgen fare gamanman, ma aram e ra magan’ SOMOL ngay ni nge mang bayul ko denen rok fa’anem.

Jonah 1:11

Ma fare yoko’ e be gel i yan, me ga’ar fapi sala ngak, “Mang e nggu rin’ed ngom me mocha’ e day ngodad?”

Hebrews 9:22

Rriyul’, nrogon ko fare Motochiyel e oren ban’en e yibe be’echnag ko racha’; ma denen e be n’ag Got fan rok e girdi’ ni kemus ni fa’anra ni pu’og e racha’.

1 Samuel 2:25

Fa’anra ngongliy be’ e kireb ngak be’, mi Got e rayag rok ni nge fal’eg thilrow, machane mini’ e rayag rok ni nge fal’eg thilin Got nge be’ nike ngongliy e kireb nib togopluw ngak SOMOL?” Machane dar motoyilgow ko tin be yog e chitamangirow, ya ke turguy SOMOL ni nge thang e pogofan rorow.

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.