2 Samuel 21:12 - Bible Ni Thothup

¹² me yan i fek e yilen Saul nge Jonathan ni fak, rok e girdi’ nu Jabesh u lan yu Gilead. (Ra iringed e pi yil nem u lan fare gin’en ni lulukngun yu Beth Shan, ko gin ni tining e pi Filistine fapi ldow riy ngalang ko fare rran nra li’ed Saul nge yim’ u daken fare Burey ni Gilboa.)

2 Samuel 21:12 Σταυροειδείς Αναφορές

2 Samuel 1:21

“Manga yigi siy i aw e n’uw ara wa’angachal nga daken e yungi ted nu Gilboa; manga yigi par daken e ted riy ndab ki tugul ban’en riy. Ya fapi shield ni fen fapi salthaw nib falu’ ko mael e ke par u daken e but’ u rom ni kem’ay fan, fa gi shield rok Saul e daknir gapgepnag.

2 Samuel 1:6

Me fulweg ni ga’ar, “Gu bay u daken e burey ni Gilboa, mu gguy Saul nike rugoy taban e sarey rok nga fithik’ e but’ ke duwgil ngay, ma aram e ke yib e pi chariot rok e to’ogor nge ku er i tay e girdi’ nike af nga daken e os ni yad be chugur i yib ngak.

2 Samuel 2:4

Me yib e pumo’on nu Judah nga Hebron ngarbad ra gapgep niged David ni nge mang pilung nu Judah. Fa’ani rung’ag David ni girdi’ ko binaw nu Jabesh ni bay u lan e nug nu Gilead e kar k’eyged Saul,

2 Samuel 21:11

Nap’an ni rung’ag David e n’en nike rin’ Rizpah,

2 Samuel 21:13

Me fek David yilen Saul nge Jonathan miki kunuy yilen fa medlip i pumo’on nni uchuliyrad.

1 Kronicles 10:1

Piyu Filistia e ra maelgad ngak piyu Israel u daken fare Burey ni Gilboa. Bo’or piyu Israel nli’rad ngar mad’ u rom, ma tin ni magey nib mu’un Saul ngay nge fapi pagel ni fak ni go’ rmilgad.

1 Kronicles 10:12

me yan e pi pumo’on ni falu’ ra feked fapi ldow rok Saul nge fapi pagel ni fak nga Jabesh. Miyad k’eyag nga tan ba ke gek’iy ni oak miyad pag e abich ni medlip e rran.

1 Kronicles 10:8

Me reb e rran riy me sul e pi Filistine ko gin un mael riy ni ngar feked fapi talin e cham ko fapi salthaw nu Israel ni karmad’. Nap’an nra pir’eged downgin Saul nge fapi pagel ni fak u daken fare burey ni Gilboa.

Joshua 17:11

Mu lan e yungin ni tafen Issakar nge Asher e binaw e kubay tafen Manasseh riy ni aram yu Beth Shean ngu Ibleam, nib mu’un e yuchi binaw nib liyeg fa gal binaw ngay, ku aramrogon yu Dor (fare binaw ni bay u dap’el’ay), ngu Endor, ngu Taanak, ngu Megiddo, nge yuchi binaw nib liyeg e pi binaw nem.

1 Samuel 28:4

Me mu’ulung e salthaw rok e pi Filistine ngarbad ra pired nga to’oben e binaw nu Shunem; me ulunguy Saul piyu Israel ngranod ra pired ko burey ni Gilboa.

1 Samuel 31:1

Me m’ag piyu Filistia e mael ngak piyu Israel ko burey ni Gilboa. Pire’ piyu Israel nra m’ad u rom, ma tin ni magey e mil.

1 Samuel 31:3

I achangiy e mael u charen Saul, me kaen u gan e gat’ing ko to’ogor nge maad’ad nib gel.

1 Samuel 31:4

Me ga’ar ngak fare pagel ni be fek talin e cham rok, “Mu girengiy e saydon rom u tafen ngam li’eg nggum’, ya nge dabyag ni moning nigeg e pi Filistine ney ndar nanged Got miyad thang e fan rog.” Machane fare pagel e ka yigi gel e marus ngak nde yag ni rin’. Ma aram me girengiy Saul e birok e saydon u tafen nge pag ir nga taban.