2 Samuel 20:6 - Bible Ni Thothup

⁶ Ma aram me ga’ar fare pilung ngak Abishai, “I Sheba e ra pi’ boch e magawon ngodad nib gel boch ko tin nike pi’ Absalom. Mu fek e salthaw rog ngam leked i yan, ya fa’anra danga’ mra yan i par ngalan boch e binaw ni kan yororiy nib tolang ni fan ko mael me thay u pa’dad.”

2 Samuel 20:6 Σταυροειδείς Αναφορές

2 Samuel 10:14

Nap’an ni guy e pi Ammon fapi Syria ni kar milgad, mu kuyad mil rok Abishai ngar sulod ngalan fare binaw. Ma aram me digey Joab ni daki cham ko fapi Ammon nge sul nga Jerusalem.

2 Samuel 11:11

Me fulweg Uriah ni ga’ar, “Pumo’on nu Israel ngu Judah e yad bay ko mael, ni bay fare Kahol ko M’ag rok Got ni yad be fek; i Joab, ni ir e pilung ko salthaw nge pi tolang ko salthaw ni bay u tan pa’ e yad bay u daken e ted ni kar pired. Ere uw rogon ni nggu wan nga tabinaw rog ngu’ug abich ma gu be garbod, ma gu be mol rok e ppin rog? Gu be micheg nga fithingan urngin e pin’en nib thothup, nri dabiyag ni gu rin’ e binir e pa’!”

2 Samuel 18:12

Me fulweg fare salthaw ni ga’ar, “Mus ni ga ra pi’ ngog bbiyu’ i salpiy ni silber ma dab gu k’iyag ta’ab bugul i pa’ag nib togopluw ngak e en ni fak e pilung. Gamad gubin ni kug rung’aged e thin ni yog David ni Pilung ngom nge Abishai nge Ittai ni ga’ar, ‘Mu leam niged gag nge dab mu maad’adgad ngak fachi cha’ i Absalom’.

2 Samuel 18:2

Me pi’rad ngranod ni yad dalip ulung, ma ke tay Joab nge Abishai ni walagen Joab, nge Ittai ni be’ u Gath nra bagayad ma ke mil fan baraba’ e salthaw ngak. Me ga’ar David ni Pilung ngak e salthaw rok, “Bay gu un ngomed ngdarod.”

2 Samuel 19:7

Mman e Chiney ngam fal’eg laniyan’ e salthaw rom. Ya fa’anra dab mu rin’, ma ri gu be micheg nga fithingan SOMOL nra gabul ma dakuriy bagayad ni kab fol ngom. Me yan i aw ni irera’ e bin th’abi ga’ e buch wa’athan nike yib ngom u nap’an e yafos rom.”

2 Samuel 2:18

Ma fa dalip i pumo’on ni fak Zeruyah e urmed u rom: Joab, Abishai, nge Asahel. I Asahel e ra mil ma bod payngin ba deer nib malboch,

2 Samuel 21:17

Machane me yib Abishai ni be’ nib pumo’on ni fak Zeruyah nge yib i ayuweg David, nge cham ngak fare pumo’on nib pag ga’ngin, nge thang e fan rok. Ma aram me yog e salthaw rok David ngak ni nge micheg ngorad ndabki un ngorad ko mael bi’id. I lungurad ngak David, “I gur e l’agan’ rok yu Israel, ma dubmad ni ngamum’ romad.”

2 Samuel 23:18

Abishai e be’ nib pumo’on ni walagen Joab (ni Zeruyah e chitinngirow) e ir e ga’ rok “Fare Guyey i Gilbugwan.” Ya Abishai e cham ko sarey rok ngak dalip mir’ay e salthaw nge thang e pogofan rorad, ma aram me gilbugwan u fithik’ “Fare Guyey.”

2 Samuel 3:30

Ere Joab nge Abishai ni walagen ni pumo’on e ra falbiyen walagrow i Asahel ni li’ Abner u tan e mael u Gibeon.

2 Samuel 3:39

Yug aray rogon ni gag e pilung nike mel’egeg Got, ma kug thamiy ni kug me’waer e daba’. Pi pumo’on ney ni pifak Zeruyah e kay gur tharthargad. Mang e yigi gechignag SOMOL e pi girdi’ ni kireb ney nib m’ag nga rogon e kireb rorad!”

1 Kings 1:33

me ga’ar ngorad, “Pi tolang ni yad be par u lan e yoror rog e ngam pininged yad ngar uned ngomed; me af Solomon ni fakag nga daken fare gamanman rog ni mule, mi gimed yan nga p’ening ko fare alublub nu Gihon,

1 Kronicles 11:20

I Abishai nib mo’on ni walagen Joab e ir e ba tolang ko “Fare Guyey i Gilbugwan.” I cham ko sarey rok ngak 300 i pumo’on nge li’rad ngarm’ad, me par nib gilbugwan u fithik’ “Fa Guyey.”

1 Kronicles 18:12

Abishai ni chitiningin Zeruyah, e gel ngak piyu Edom u lan ba loway ni Loway ni Sol fithingan ni thang e fan rok ragag nge meruk e biyu’ i yad.

Jeremiah 8:14

I fith e girdi’ rok Got ni ga’ar, “Mangfan ni kay gu da pired u luwdad? Mired ngad milgad i yan ko fare binaw ni ka ni yororiy ni fan ko mael ngadm’ad u rom. I SOMOL ni Got rodad e ke duwgiliy ndabisiy ni ngad m’ad; ke pi’ e yub ngodad ni ngad unumed, ni bochan e gadad be denen nib togopluw ngak.

Mark 3:24

Fa’anra ruw raba’nag reb e nam ir ngar chamgow ngorow, ma bmuduwgil ni nge kireb fare nam.

1 Samuel 26:6

Ma aram me fith David i Ahimelek nib Hitite, nge Abishai nib mo’on ni walagen Joab (ni chitiningirow e Zeruyah) ni ga’ar, “Mini’ e aromew nra un ngog nggu warow ngalan fa gin’en nike n’uf Saul e pi tent riy?” Me fulweg Abishai ni ga’ar, “I gag e ngu’un ngom.”